தவறவிடாதீர்கள்..!உடனே பதிவு செய்யுங்கள்

விஜேராம இல்லத்திலிருந்து முன்னாள் ஜனாதிபதி மகிந்த ராஜபக்ச வெளியேறுவது குறித்த படங்கள் மற்றும் காணொளிகள் சமூக ஊடகங்களை ஆக்கிரமித்துக்கொண்டிருக்கும் தறுவாயிலேயே இந்தோனேசியாவில் கைது செய்யப்பட்ட பாதாள உலக உறுப்பினர்களில் ஒருவரான கெஹல்பத்தர பத்மே மகிந்த ராஜபக்சவுடன் இருக்கும் இரண்டு படங்கள் திடீரென சமூக ஊடகங்களில் வைரலாகின. அதில் ஒரு படம் மிக அண்மையில் மகிந்தவுடன் எடுக்கப்பட்டதாகவே தெரிகின்றது. சட்டவிரோத செயற்பாடுகளில் ஈடுபட்டு பொலிஸாரினால் தேடப்பட்டு வரும் நபர் ஒருவர் முன்னாள் ஜனாதிபதியு ஒருவருடன் தொடர்பினை பேணி அவருடன் படம் எடுத்துக்கொள்ளும் அளவுக்கு நெருக்கமாக இருந்திருக்கின்றாரா என்ற கேள்வி தற்போது எழுந்துள்ளது. தமக்கும் பாதாள உலக கோஷ்டி நபர்களுக்கும் எந்தவித தொடர்புகளும் இல்லையென பாராளுமன்றத்தில் உறுதியாக கூறிய நாமல் ராஜபக்ச தனது தந்தையுடன் கைது செய்யபட்ட ஒரு குற்றவாளி நெருக்கமாக இருக்கும் படத்துக்கு என்ன கூறப்போகின்றார் என்பது தெரியவில்லை.