தவறவிடாதீர்கள்..!உடனே பதிவு செய்யுங்கள்

இனவாதத்தை தூண்டும் வகையில் கடந்த ஒருவருட காலமாக தேசிய மக்கள் சக்தி அரசாங்கத்தில் யாரும் செயல்பட வில்லை. இது அரசாங்கத்தின் உறுதியான நிலைப்பாடு என்பதால், நாட்டிலும் அரச கட்டமைப்பிற்குள்ளும் ஏற்படும் சாதகமான மாற்றங்கள் முக்கியமாகிறது. 13 ஆவது திருத்தம் குறித்து மீளாய்வுக்கு செல்ல வேண்டும். அந்த மீளாய்வின் ஊடாக தமிழர்களின் அரசியல் பிரச்சினைகளுக்கு தீர்வு கிடைக்குமா ? என்பதை கருத்தில் கொள்ள வேண்டும். ஆனால் தேசிய மக்கள் சக்தி கொண்டுவரவுள்ள அரசியலமைப்பில் தமிழ் மக்களின் பிரச்சினைகளை எவ்வாறு தீர்க்க முடியும் என்பது குறித்து விசேடமாக கருத்தில் கொள்கிறோம். இது பரந்துப்பட்ட கருத்தாடலுடன் முன்னெடுக்கப்பட வேண்டிய விடயமாகவே உள்ளது. ஜெனிவா மனித உரிமைகள் விடயத்தில் வழங்கிய உறுதிமொழிகளை நிறைவேற்றுவது, கொள்கை ரீதியாக செயல்படுவது என்பது தொடர்பில் எமது அரசாங்கம் ஏற்கனவே தீர்மானங்களை எடுத்துள்ளோம். உதாரணமாக செம்மணி மனித புதைக்குழி விடயத்திலிருந்து விசாhரணைகள் ஆரம்பிக்கப்பட்டுள்ளன.