தவறவிடாதீர்கள்..!உடனே பதிவு செய்யுங்கள்

பெரும்பான்மைக் கட்சிகளில் அரசியல் செய்கின்ற முஸ்லிம் அரசியல்வாதிகள் வடக்கு, கிழக்கு வெளியில் முஸ்லிம் சமூகத்திற்கான அரசியலை வடிவமைப்பதற்கு, அதற்கு முன்னுரிமை கொடுத்துச்செயற்படுவதற்கு பொருத்தமற்றவர்கள் என்று கருதினால், அவர்களையும் புறமொதுக்கிவிட்டாவது முஸ்லிம்களுக்கான தேசிய அரசியலை புனருத்தாரணம் செய்தாக வேண்டியுள்ளது. இது விடயத்தில் அரசியல்வாதிகளை நம்ப முடியாது. ஆகவே சமூகம் இதில் பிரதான வகிபாகத்தை எடுக்க வேண்டும். ஜம்மியத்துல் உலமா சபை போன்ற உத்தியோகபூர்வ அமைப்புக்கள், முஸ்லிம் புத்திஜீவிகள், படித்தவர்கள், அரசியல் அறிவும் சமூகப் பற்றும் உள்ள படிக்காத மேதைகள், சமூக செயற்பாட்டாளர்கள் என அனைத்து தரப்பினரும் தமது பங்களிப்பை வழங்க வேண்டும்.