தவறவிடாதீர்கள்..!உடனே பதிவு செய்யுங்கள்

எல்ல - வெல்லவாய பிரதான வீதியில் ஏற்பட்ட பஸ் விபத்தில் உயிரிழந்த தங்காலை நகர சபை ஊழியர்களின் பூதவுடல்கள் தங்காலை நகர சபைக்கு கொண்டு வரப்பட்டு அஞ்சலிக்காக வைக்கப்பட்டுள்ளன.

உயிரிழந்த 10 தங்காலை நகர சபை ஊழியர்களின் பூதவுடல்கள் நகர சபைக்கு கொண்டு வரப்பட்டுள்ளதாக தெரிவிக்கப்படுகிறது.

தங்காலை பகுதியில் இருந்து சுற்றுலா பயணமாக வந்த ஒரு குழுவினரை ஏற்றிச் சென்ற பேருந்து நேற்று முன்தினம் (04) எல்ல பொலிஸ் பிரிவிற்குட்பட்ட எல்ல - வெல்லவாய பிரதான வீதியில் விழுந்து விபத்துக்குள்ளானதில் 15 பேர் உயிரிழந்தனர்.

விபத்தில் காயமடைந்த 18 பேர் பதுளை போதனா வைத்தியசாலை, பண்டாரவளை மற்றும் தியத்தலாவை வைத்தியசாலைகளில் அனுமதிக்கப்பட்டு, சிகிச்சை பெற்று வருகின்றமையும் குறிப்பிடத்தக்கது.