தவறவிடாதீர்கள்..!உடனே பதிவு செய்யுங்கள்

நுவரெலியாவில் ஐஸ் போதை உற்பத்தி நிலையத்தை நடத்திச் செல்வதற்கு மாவட்டத்தின் அரசியல்வாதிகள் சிலரும் உதவியிருக்கக் கூடும் என மக்கள் தமது சந்தேகங்களை வெளிப்படுத்தியுள்ளனர். அதே வேளை சில ஊழல் மோசடி செயற்பாடுகளுக்கு துணை போகும் பொலிஸாரும் இதன் பின்னணியில் செயற்பட்டிருக்கலாம் என்ற சந்தேகம் வெளிப்பட்டுள்ளது. மாவட்டத்தில் உள்ள அரசியல்வாதிகள் மற்றும் பொலிஸாருக்குத் தெரியாமல் இந்த சம்பவம் இடம்பெற்றிருக்க முடியாது என்பது மக்களின் கருத்தாகும். அவ்வாறெனில் இதன் பின்னணியிலுள்ள அனைவருமே கண்டு பிடிக்கப்பட்டு சட்டத்தின் முன்பாக நிறுத்தப்படல் வேண்டும் என்பது நுவரெலியா மாவட்ட மக்களின் குரலாக உள்ளது. நுவரெலியா மாவட்டத்தில் ஏற்கனவே சில அரசியல் பிரமுகர்கள் மற்றும் வர்த்தகர்கள் மீது போதை பொருள் பாவனை மற்றும் விநியோகம் தொடர்பில் குற்றச்சாட்டுகள் உள்ளமை குறிப்பிடத்தக்கது.