தவறவிடாதீர்கள்..!உடனே பதிவு செய்யுங்கள்

'அங்காடி தெரு' மகேஷ் கதையின் நாயகர்களுள் ஒருவராக நடித்திருக்கும் 'தடை அதை உடை' எனும் திரைப்படம் - 1990களில் நடைபெற்ற உண்மை சம்பவத்தை தழுவி தயாராகி இருப்பதாக படக் குழுவினர் தெரிவித்துள்ளனர்.

அறிமுக இயக்குநர் அறிவழகன் முருகேசன் இயக்கத்தில் உருவாகி வரும் 'தடை அதை உடை' எனும் திரைப்படத்தில் மகேஷ், குணா பாபு, கே.எம். பாரிவள்ளல், திருவாரூர் கணேஷ், மகாதீர் முகமது, நாகராஜ், டெல்டா சரவணன், ஆம்பல் சதீஷ், கௌதமி, சுபா உள்ளிட்ட பலர் நடித்திருக்கிறார்கள்.

தங்கபாண்டியன் மற்றும் சோட்டா மணிகண்டன் ஆகிய இருவரும் ஒளிப்பதிவு செய்திருக்கும் இந்த திரைப்படத்திற்கு சாய் சுந்தர் இசையமைத்துள்ளார். உண்மை சம்பவத்தை தழுவி தயாராகி இருக்கும் இந்த திரைப்படத்தை காந்திமதி பிக்சர்ஸ் நிறுவனம் சார்பில் இயக்குநர் அறிவழகன் முருகேசன் தயாரித்திருக்கிறார்.

படத்தைப் பற்றி இயக்குநர் பேசுகையில், '' 1990களில் தமிழகத்தின் டெல்டா பகுதி என குறிப்பிடப்படும் பட்டுக்கோட்டை தாலுகாவில் கொத்தடிமையாக இருந்த ஒருவர் தனியாக போராடி தன் பிள்ளைகளுக்கு கல்வி பெறுவதற்கான உரிமையை பெற்றார். இந்த உண்மை சம்பவத்தையும், சமூக வலைதளங்களின் தாக்கம் குறித்தும் இந்த திரைப்படத்தின் கதை விவரிக்கப்பட்டிருக்கிறது. அத்துடன் தஞ்சை மாவட்டத்தின் மண் சார்ந்த கலாச்சாரமும் திரைக்கதையுடன் இணைக்கப்பட்டிருக்கிறது'' என்றார்.

இந்தத் திரைப்படத்தை எதிர்வரும் ஒக்டோபர் மாதம் வெளியிட திட்டமிடப்பட்டிருப்பதாக படக் குழுவினர் தெரிவித்துள்ளனர்.