தவறவிடாதீர்கள்..!உடனே பதிவு செய்யுங்கள்

அம்பாந்தோட்டையில் வலஸ்முல்ல பொலிஸ் பிரிவுக்கு உட்பட்ட மொரகந்த பகுதியில் செவ்வாய்க்கிழமை (02)  ஹெரோயின் போதைப்பொருளுடன் கைதுசெய்யப்பட்ட இளைஞனை எதிர்வரும் 11 ஆம் திகதி வரை விளக்கமறியலில் வைக்குமாறு வலஸ்முல்ல நீதவான் நீதிமன்றம் நேற்று புதன்கிழமை (03) உத்தரவிட்டுள்ளது.

வலஸ்முல்ல பொலிஸ் குற்றப் புலனாய்வு பிரிவினருக்கு கிடைத்த தகவலின் பேரில்  வலஸ்முல்ல - மொரகந்த பகுதியில் செவ்வாய்க்கிழமை (02)  மேற்கொள்ளப்பட்ட சுற்றிவளைப்பில் சந்தேக நபரான இளைஞன் கைதுசெய்யப்பட்டுள்ளார்.

கைதுசெய்யப்பட்டவர் வலஸ்முல்ல பகுதியில் வசிக்கும் 33 வயதுடைய இளைஞன் ஆவார்.

சந்தேக நபரான இளைஞனிடமிருந்து 02 கிலோ 755 கிராம் ஹெரோயின் போதைப்பொருள் கைப்பற்றப்பட்டுள்ளது.

இதனையடுத்து கைதுசெய்யப்பட்ட இளைஞன் வலஸ்முல்ல நீதவான் நீதிமன்றில் ஆஜர்படுத்தப்பட்டதையடுத்து எதிர்வரும் 11 ஆம் திகதி வரை விளக்கமறியலில் வைக்கப்பட்டுள்ளமை குறிப்பிடத்தக்கது.