தவறவிடாதீர்கள்..!உடனே பதிவு செய்யுங்கள்

பொலிஸ் அதிகாரிகள் உபயோகிக்கும் ஜீப் வண்டிக்கு இணையாக உருமாற்றம் செய்யப்பட்ட போலி  பொலிஸ் ஜீப் வாகனம் ஒன்று கண்டி பொலிஸாரால்  கைப்பற்றப்பட்டுள்ளது. 

மேற்படி ஜீப் வாகனத்தின் முன்பக்க கண்ணாடி தவிர்ந்த  ஏனைய கண்ணாடிகள் கறுப்பு நிறமாக்கப்பட்டிருந்ததுடன் வாகனத்தினுள் இருந்து  'வோக்கி  டோக்கி'  தொடர்பு சாதனம்  ஒன்றும் கைப்பற்றப்பட்டுள்ளது.

என்ன நோக்கத்திற்காக இவ்வாறு போலி பொலிஸ் ஜீப் வாகனம் ஒன்று உருமாற்றம் செய்யப்பட்டது என்பது தொடர்பாக  பொலிஸார் விசாரணைகளை மேற்கொண்டுள்ளனர்.

மேற்படி ஜீப் வாகனம் பல முறை நகர வீதிகளில் சென்றதை பலர் அவதானித்துள்ளனர். 

சில பொலிஸ் அதிகாரிகள்  உயர் அதிகாரி ஒருவர் செல்வதாகக் கருதி சல்யூட் அடித்த சம்பவங்களும் இடம்பெற்றதாகத் தெரிவிக்கப்படுகிறது.

பொலிஸ் அதிகாரிகளுக்கு ஏற்பட்ட ஒரு சந்தேகத்தின் பேரில் சோதணை செய்த போதே அது பொலிஸாருக்கு சொந்தமான  ஜீப் வாகனம் அல்ல என தெரியவந்துள்ளது.