தவறவிடாதீர்கள்..!உடனே பதிவு செய்யுங்கள்

கச்சதீவில் கடலோடிகளின் காவல் தெய்வம் புனித அந்தோனியாருக்கு ஒரு சிறிய தேவாலயம் கச்சதீவில் ஒரு நூற்றாண்டுக்கும் மேலாக இருக்கிறது. வருடாந்தம் மார்ச் மாதத்தில் அந்த தேவாலயத்தில் நடைபெறும் திருவிழாவில் கலந்து கொள்வதற்காக வரலாற்று ரீதியாக யாழ்ப்பாணத்தில் இருந்தும் இராமேஸ்வரத்தில் இருந்தும் யாத்திரிகர்கள் வருவர். உள்நாட்டுப் போரின் முடிவுக்கு பிறகு கச்சதீவுக்கு பெருமளவில் யாத்திரிகர்கள் வரத் தொடங்கினார்கள். தேவாலயமும் புனருத்தாரணம் செய்யப்பட்டு அழகாக காட்சியளிக்கிறது. கச்சதீவுக்கு அருகாமையில் அமைந்திருக்கும் நெடுந்தீவு மற்றும் நயினாதீவு ஆகியவையும் பிரதான நிலப்பரப்பில் இருந்து சுற்றுலாப் பயணிகளை கவர்ந்து வருகின்றன. 1.6 கிலோ மீட்டர் நீளமும் 300 மீட்டர் அகலமும் கொண்ட இந்த தீவு சுற்றுலா மையமாக மாற்றப்படலாம் என்று இப்போது பேசப்படுகிறது. ஆனால், தமிழ்நாட்டில் கச்சதீவை மீட்கவேண்டும் என்ற பேச்சுக்கள் அதுவும் குறிப்பாக தேர்தல் நெருங்கும் இந்த நேரத்தில் முடிவுக்கு வருவது சாத்தியமேயில்லை.