தவறவிடாதீர்கள்..!உடனே பதிவு செய்யுங்கள்

சீனாவில் நடைபெறவுள்ள 23ஆவது ஆசிய கராத்தே சுற்றுப்போட்டியில் பங்குபற்றுவதற்காக சீனாவின் ஷாவோகுவான் நகரத்தை நோக்கி செல்வதற்காக கட்டுநாயக்க விமான நிலையத்திற்கு சென்ற 31 இலங்கை வீரர்கள் விசா இல்லாத காரணத்தினால் மீண்டும் வீடு திரும்பியுள்ளனர். 

ஆசிய கராத்தே சுற்றுப்போட்டி செப்டெம்பர் மாதம் 5ஆம் திகதி முதல் 7ஆம் திகதி வரை சீனாவின் ஷாவோகுவான் நகரத்தில் நடைபெறவுள்ளது.

ஆசியாவைச் சேர்ந்த கராத்தே வீரர்கள் இந்த போட்டியில் பங்குபற்றவுள்ளனர்.

இந்த போட்டியில் பங்குபற்றுவதற்காக இலங்கை கராத்தே தோ சம்மேளனத்தால் தெரிவு செய்யப்பட்ட 31 இலங்கை வீரர்கள் ஒன்றரை மாத காலமாக பயிற்றுவிக்கப்பட்டனர். 

இவ்வாறு தெரிவு செய்யப்பட்ட இலங்கை வீரர்கள் குழுவில் பாடசாலை மாணவர்களும் அடங்குகின்றனர். 

இந்த இலங்கை வீரர்கள் குழு நேற்று செவ்வாய்க்கிழமை (02) காலை 11.00 மணியளவில் சீனாவின் ஷாவோகுவான் நகரத்தை நோக்கி செல்வதற்காக கட்டுநாயக்க விமான நிலையத்திற்கு சென்றுள்ளனர்.

இதன்போது இலங்கை வீரர்களுக்கான விசாக்களை கொண்டு செல்லவிருந்த இலங்கை கராத்தே தோ சம்மேளனத்தின் அதிகாரிகள் விமான நிலையத்திற்கு சென்றிருக்கவில்லை.

விசா இல்லாத காரணத்தினால் இலங்கை வீரர்கள் குழு சீனாவின் ஷாவோகுவான் நகரத்தை நோக்கி செல்ல அனுமதிக்கப்படவில்லை.

பின்னர், 31 இலங்கை வீரர்களும் ஏமாற்றத்துடன் மீண்டும் வீடு திரும்பியுள்ளனர்.