தவறவிடாதீர்கள்..!உடனே பதிவு செய்யுங்கள்

'மெகா ஸ்டார்' சிரஞ்சீவி நடிப்பில் தயாராகி வரும் 'விஸ்வம்பரா'  எனும் பான் இந்திய திரைப்படத்தின் பிரத்யேக காணொளி அவருடைய பிறந்த நாளை கொண்டாடும் வகையில் வெளியிடப்பட்டிருக்கிறது.

இயக்குநர் வசிஷ்டா இயக்கத்தில் உருவாகி வரும் 'விஸ்வம்பரா' எனும் திரைப்படத்தில் சிரஞ்சீவி, திரிஷா, ஆஷிகா ரங்கநாத், குணால் கபூர், பொலிவுட் நடிகை மௌனி ராய் உள்ளிட்ட பலர் நடித்திருக்கிறார்கள்.

 சோட்டா கே. நாயுடு ஒளிப்பதிவு செய்திருக்கும் இந்த திரைப்படத்திற்கு ஓஸ்கர் விருதினை வென்ற இசையமைப்பாளர் எம்.எம். கீரவாணி மற்றும் பீம்ஸ் சிசிரோலியோ ஆகியோர் இணைந்து இசையமைத்திருக்கிறார்கள்.  

எக்சன் வித் ஃபேண்டஸி படமாக தயாராகி வரும் இந்த திரைப்படத்தை யு வி கிரியேசன்ஸ் நிறுவனத்தின் சார்பில் தயாரிப்பாளர்கள் விக்ரம், வம்சி & ப்ரமோத் ஆகியோர் இணைந்து தயாரித்திருக்கிறார்கள்.

'மெகா ஸ்டார்' சிரஞ்சீவியின் பிறந்த நாளை முன்னிட்டு வெளியிடப்பட்டிருக்கும் இந்த பிரத்யேக காணொளியில்.. பிரமாண்டமான முறையில் காட்சிகள் இடம் பிடித்திருப்பதால் பான் இந்திய ரசிகர்களை வெகுவாக கவர்ந்திருக்கிறது. 

மேலும் 'விஸ்வம்பரா' திரைப்படம் அடுத்த ஆண்டு கோடை விடுமுறையில் தமிழ், தெலுங்கு, மலையாளம், கன்னடம், இந்தி ஆகிய இந்திய மொழிகளில் பான் இந்திய திரைப்படமாக வெளியாகிறது.