தவறவிடாதீர்கள்..!உடனே பதிவு செய்யுங்கள்

குற்றப்புலனாய்வு பிரிவினரால் கைது செய்யப்பட்ட முன்னாள் பொலிஸ் மா அதிபர் தேசபந்து தென்னக்கோன், இன்று வியாழக்கிழமை  (21) கோட்டை நீதிவான் நீதிமன்றத்தில் ஆஜர்படுத்தப்படவுள்ளார்.

குற்றப் புலனாய்வு பிரிவின் அதிகாரிகளால் நேற்று புதன்கிழமை (20) மிரிஹானவில் உள்ள அவரது இல்லத்தில் வைத்து முன்னாள் பொலிஸ் மா அதிபர் தேசபந்து தென்னக்கோன் கைது செய்யப்பட்டார்.

2022 ஆம் ஆண்டு  மே  மாதம் 09 ஆம் திகதி காலி முகத்திடல் போராட்டக்காரர்கள் மீதான தாக்குதல் தொடர்பான விசாரணைகளில் முன்னாள் பொலிஸ் மா அதிபர் தேசபந்து தென்னக்கோன் சந்தேகநபராகப் பெயரிடப்பட்டதால் கைது செய்யப்பட்டதாகக் கூறப்படுகிறது.

மேலும், சம்பவம் தொடர்பாக தன்னைக் கைது செய்வதைத் தடுக்க உத்தரவிடக் கோரி கோட்டை நீதவான் நீதிமன்றத்தில் முன்பிணை  மனுவை சமர்ப்பித்திருந்தார், ஆனால் அது நீதிமன்றத்தால் நிராகரிக்கப்பட்டமை குறிப்பிடத்தக்கது.