தவறவிடாதீர்கள்..!உடனே பதிவு செய்யுங்கள்

இன்றைய இளைய தலைமுறையினர் சொகுசாகவும், சௌரியமாகவும் அமர்ந்து பணியாற்றுவதில் அக்கறை செலுத்துகிறார்கள். இவர்களில் யாருக்கேனும் திடீரென்று மூச்சுத் திணறல் அல்லது நடந்து செல்லும் போது மூச்சிரைப்பு அல்லது மூச்சு வாங்குதல் போன்ற அறிகுறிகள் ஏற்பட்டால் அது இதய பாதிப்பின் அறிகுறியாக இருக்குமோ? என்ற அச்சம் எழுகிறது.

இது தொடர்பாக இதய மருத்துவ நிபுணர்கள் விவரிக்கையில், '' நீங்கள் நாளாந்தம் உங்களுடைய அலுவலகம் இருக்கும் இரண்டாவது தளத்திற்கு மாடிப்படிகள் வழியாக ஏறிச் சென்று பணியாற்றும்போது... நீங்கள் பணியில் புதிதாக சேரும் போது மூச்சு வாங்குவது என்பது இயல்பாக நடைபெறும்.

ஏனெனில் இந்த தருணத்தில் எம்முடைய நுரையீரலும், இதயமும் புதிய நடைமுறையை ஏற்றுக் கொண்டு செயல்படுத்துவதில் தடுமாறும். இதனால் நீங்கள் புதிதாக திடீரென்று நான்காவது தளத்திற்கு மாடிப்படிகள் வழியாக ஏறிச் செல்லும் போது மூச்சு வாங்கும். இது இயல்பானது தான்.

ஆனால் அதே தருணத்தில் நீங்கள் பணியில் சேர்ந்து ஒரு மாதத்திற்கு பிறகு வழக்கமாக இரண்டாவது தளத்திற்கு மாடிப்படிகள் வழியாக ஏறிச் செல்லும் போது மூச்சு வாங்கினாலோ அல்லது மூச்சிரைப்பு ஏற்பட்டாலோ அல்லது மூச்சு திணறல் ஏற்பட்டாலோ அல்லது சுவாசிப்பதில் சிறிய அளவிலான அசௌகரியம் ஏற்பட்டாலோ உங்களுடைய இதயம் பாதிப்பினை எதிர்கொண்டிருக்கிறது என்பதனை உணர்ந்து கொண்டு , உடனடியாக இதய சிகிச்சை நிபுணரை சந்தித்து ஆலோசனையும், சிகிச்சையும் பெற வேண்டும்.

அதே தருணத்தில் சிலருக்கு வழக்கமான நாளாந்த நடவடிக்கைகளில் ஈடுபட்டிருக்கும் போது ( நடைப்பயிற்சி, உடற்பயிற்சி..)  மூச்சு திணறலோ ..மூச்சு வாங்குவதோ.. மூச்சிரைப்பு ஏற்படுவதோ அல்லது இயல்பை விட அதிகமாக வியர்த்தாலோ உங்களுடைய இதயம் பாதிக்கப்பட்டிருக்கிறது என்பதனை உணர்ந்து கொண்டு உடனடியாக அருகில் இருக்கும் வைத்தியசாலைக்குச் சென்று இதயம் தொடர்பான சிகிச்சையையும், ஆலோசனையையும் பெற வேண்டும். ஏனெனில் இன்றைய சூழலில் அறிகுறிகளை வெளிப்படுத்தாத இதய பாதிப்பு அதிகரித்து வருகிறது. '' என்கிறார்கள்.

வைத்தியர் புனித் குமார் - தொகுப்பு அனுஷா.