தவறவிடாதீர்கள்..!உடனே பதிவு செய்யுங்கள்

தலைமுடிக்கு பயன்படுத்தப்படும் கண்டிஷனர்களில் மறைத்து நாட்டிற்கு சட்டவிரோதமான முறையில் இறக்குமதி செய்யப்பட்ட சுமார் 40 மில்லியன் ரூபாய் மதிப்புள்ள குஷ் போதைப்பொருட்கள் கொழும்பு மத்திய குற்றப் புலனாய்வுப் பணியகத்தினரால் கைப்பற்றப்பட்டுள்ளது. 

பேலியகொடை நுகேகொடை துறைமுகத்தில் உள்ள ஒரு கொள்கலனிலிருந்து குஷ் போதைப்பொருள் கைப்பற்றியுள்ளதாக கொழும்பு மத்திய குற்றப் புலனாய்வுப் பணியகம் மேலும் தெரிவித்துள்ளது. 

மேலும், குஷ் போதைப்பொருள் அடங்கிய கொள்கலன்கள் தாய்லாந்தில் இருந்து நாட்டிற்கு இறக்குமதி செய்யப்பட்டுள்ளதாக விசாரணையில் தெரிவித்துள்ளது. 

சம்பவம் தொடர்பாக கைது செய்யப்பட்ட சந்தேகநபர்களிடம் விசாரணை நடத்தப்பட உள்ளதாக கொழும்பு மத்திய குற்றப் புலனாய்வுப் பணியகம் மேலும் தெரிவித்துள்ளது.