தவறவிடாதீர்கள்..!உடனே பதிவு செய்யுங்கள்

தென்னிந்திய திரையுலகின் முன்னணி நட்சத்திர நடிகரான துல்கர் சல்மான் கதையின் நாயகனாக நடித்திருக்கும் ' காந்தா ' எனும் திரைப்படத்தில் இடம்பெற்ற 'பனிமலரே ' எனும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் செல்வமணி செல்வராஜ் இயக்கத்தில் உருவாகி வரும் 'காந்தா 'திரைப்படத்தில் துல்கர் சல்மான், சமுத்திரக்கனி, பாக்கிய ஸ்ரீ போர்சே, ராணா டகுபதி உள்ளிட்ட பலர் நடித்திருக்கிறார்கள் டானி சான்சே லோபஸ் ஒளிப்பதிவு செய்திருக்கும் இந்த திரைப்படத்திற்கு ஜானு சந்தர் இசையமைத்திருக்கிறார்.

திரையுலக பின்னணியில் உருவாகி இருக்கும் இந்த திரைப்படத்தை வேஃபரர் ஃபிலிம்ஸ் மற்றும் ஸ்பிரீட் மீடியா ஆகிய நிறுவனங்கள் இணைந்து தயாரித்திருக்கிறது.

இது வரும் செப்டம்பர் மாதம் 12 ஆம் திகதி முதல் உலகம் முழுவதும் பட மாளிகையில் தமிழ், மலையாளம் , தெலுங்கு, கன்னடம் ஆகிய மொழிகளில் வெளியாகும் என அறிவிக்கப்பட்டிருக்கும் இந்த திரைப்படத்தில் இடம் பெற்ற ' ஹே பனிமலரே..' எனத் தொடங்கும் முதல் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இந்த பாடலை பாடலாசிரியர் குட்டி ரேவதி எழுத, பின்னணி பாடகர் பிரதீப் குமார் மற்றும் பின்னணி பாடகி பிரியங்கா என் கே ஆகியோர் பாடியிருக்கிறார்கள். கருப்பு வெள்ளை காலகட்டத்தில் திரையுலக பின்னணியில் ஒலிக்கும் இந்தப் பாடல் அந்த காலகட்டத்திய இசையை பிரதிபலிப்பதால் ஒரு பிரிவு ரசிகர்களை வெகுவாக கவர்ந்திருக்கிறது.