தவறவிடாதீர்கள்..!உடனே பதிவு செய்யுங்கள்

வவுனியா செட்டிகுளம் பிரதேசத்துக்கு உட்பட்ட முகத்தான் குளம்  பாடசாலையினுடைய 65 ஆவது ஆண்டு விழாவும் முகமலர் நூல் வெளியீட்டு விழாவும் நடைபெற்றுள்ளது.

1960 ஆம் ஆண்டு ஆரம்பிக்கப்பட்ட வவுனியா முகத்தான் குளம் அ.த.க  பாடசாலையினுடைய 65 ஆவது ஆண்டு  விழா வெகு சிறப்பாக நடைபெற்றுள்ளது. 

அதாவது கடந்த 1960ஆம் ஆண்டு ஆரம்பிக்கப்பட்ட  இப்பாடயானது  கடந்த 1990 களுக்கு பின்னர் ஏற்ப்பட்ட யுத்தம் காரணமாக இங்கிருந்த மக்கள் முழுமையாக இடம்பெயர்ந்து மீளவும் 2003 ஆம் ஆண்டுக்கு பின்னர் மீளவும் சொந்த இடத்தில் ஆரம்பிக்கப்பட்டு  தொடர்ந்து கற்பித்தல் செயலபாடுகள் முன்னெடுக்கப்பட்டுள்ளது.

இதன் 65வது ஆண்டினை முன்னிட்டு ஏற்பாடு செய்யப்பட்ட நிகழ்வின் முன்னதாக பாடசாலையினுடைய முன்னாள் அதிபர்கள் ஆசிரியர்கள் மற்றும் பிரதம விருந்தினர்கள் மங்கள வாத்திய இசை மற்றும் மாணவர்களின் கோலாட்டம் ஆகியவற்றுடன் அழைத்து வரப்பட்டு பிரதான நுழைவாயில் திறந்து வைக்கப்பட்டதை யடுத்து மண்டப நிகழ்வுகள் நடைபெற்றன.

 தொடர்ந்து  இப்பாடசாலை கடமையாற்றிய முன்னாள் அதிபர்கள் ஆசிரியர்கள் பாடசாலை மாணவர்கள் என பலர்  கௌரவிக்கப்பட்டதுடன் இப்பாடசாலையினுடைய வரலாறுகளையும் பல்வேறு ஆக்கங்களையும் தாங்கிய முகமலர் என்ற நூலும் வெளியிட்டு வைக்கப்பட்டது.

இதில் கல்வியலாளர்கள் பாடசாலை அதிபர் ஆசிரியர்கள் மாணவர்கள் பழைய மாணவர்கள்  பொதுமக்கள் என பலர் கலந்து கொண்டிருந்தனர்.