தவறவிடாதீர்கள்..!உடனே பதிவு செய்யுங்கள்

கொழும்பு, ஜிந்துப்பிட்டி ஸ்ரீ சிவசுப்பிரமணிய சுவாமி கோயிலில் ஆடிவேல் விழா மற்றும் பால்குடம், பன்னீர் காவடி ஊர்வலம் சனிக்கிழமை (09) வெகு விமர்சையாக நடைபெற்றது.

சிவஸ்ரீ ரகுராமக்குருக்கள் தலைமையில் நடைபெற்ற இந்த நிகழ்வில், பெரும் திரளான பக்தர்கள் கலந்துகொண்டனர். 

அதிகாலையிலேயே ஆலயத்தில் ஒன்று கூடிய பக்தர்கள், புனித காவடி மற்றும் பால்குடங்களைச் சுமந்து, மேளதாளங்களுடன் ஜிந்துப்பிட்டியின் முக்கிய வீதிகளின் ஊடாக ஊர்வலமாகச் சென்றனர்.

ஊர்வலம் நிறைவடைந்த பின்னர், பக்தர்கள் சுமந்து வந்த பால் கொண்டு மூலவர் சிவசுப்பிரமணிய சுவாமிக்கு சிறப்பு அபிஷேகம் மற்றும் ஆராதனைகள் நடைபெற்றன. இதில் நூற்றுக்கணக்கான பக்தர்கள் கலந்துகொண்டு சுவாமியின் அருளைப் பெற்றனர்.

(படப்பிடிப்பு : - எஸ். எம். சுரேந்திரன்)