தவறவிடாதீர்கள்..!உடனே பதிவு செய்யுங்கள்

தமிழ் திரையுலகில் சிறிய முதலீட்டு தயாரிப்பாளர்களுக்கான லாபத்திற்கு உத்தரவாதம் அளிக்கும் நடிகராக உயர்ந்து வரும் நடிகர் வெற்றி கதையின் நாயகனாக நடித்து வரும் 'பிளாக் கோல்டு' படத்தின் ஃபர்ஸ்ட் லுக் வெளியிடப்பட்டுள்ளது.

இயக்குநர் தீரன் அருண்குமார் இயக்கத்தில் உருவாகி வரும் 'பிளாக் கோல்டு' படத்தில் வெற்றி மற்றும் நடிகை பிரியாலயா ஆகியோர் முதன்மையான வேடத்தில் நடித்து வருகிறார்கள்.

இவர்களுடன் லிவிங்ஸ்டன், துளசி, 'பிக் பொஸ்' அபிராமி, இயக்குநர் ஏ. வெங்கடேஷ், விஜய் ரிவி ராமர் உள்ளிட்ட பலர் நடித்திருக்கிறார்கள். சந்தோஷ் குமார் வீரசாமி ஒளிப்பதிவு செய்து வரும் இந்த திரைப்படத்திற்கு கவாஸ்கர் அவினாஷ் இசையமைக்கிறார். இந்தத் திரைப்படத்தை எம் எம் ஸ்டுடியோஸ் நிறுவனம் சார்பில் தயாரிப்பாளர் எம். மூர்த்தி தயாரிக்கிறார்.

இப்படத்தின் படப்பிடிப்பு விறுவிறுப்பாக நடைபெற்று வருகிறது. இத்தருணத்தில் இப்படத்தின் ஃபர்ஸ்ட் லுக் வெளியிடப்பட்டுள்ளது. இதில் நடிகர் வெற்றியின் எக்சன் அவதாரத் தோற்றம் ரசிகர்களை வெகுவாக கவர்ந்திருக்கிறது.

படத்தைப் பற்றி இயக்குநர் பேசுகையில், ''நடுத்தர குடும்பத்தை சேர்ந்த படித்த இளைஞன் ஒருவன் தன் வாழ்வில் ஏற்பட்ட இழப்பிற்கான காரணத்தை  தேடுகிறான். உண்மையை கண்டறிந்ததும் அதற்கு காரணமான நிழல் உலக மாஃபியாக்களை அவர் எப்படி எதிர்கொண்டார்? என்பதை விறுவிறுப்பாக விவரிக்கும் வகையில் இப்படத்தில் திரைக்கதை அமைக்கப்பட்டிருக்கிறது'' என்றார்.