தவறவிடாதீர்கள்..!உடனே பதிவு செய்யுங்கள்

கொழும்பு, சம்மாங்கோடு ஸ்ரீ கதிர்வேலாயுத சுவாமி தேவஸ்தான ஆடிவேல் தேர் உற்சவம் இன்று  (07) காலை ஆரம்பமானது. 

இத்தேரானது ஆலயத்திலிருந்து புறப்பட்டு பம்பலப்பிட்டி ஸ்ரீ மாணிக்க விநாயகர் ஆலயத்தை நோக்கி பவனியாக சென்றது. 

தேர் நகர்வலத்தின்போது சுங்கத் திணைக்களம், இந்து ஊழியர் சங்கம், ஜனாதிபதி செயலகம், இந்திய உயர்ஸ்தானிகரகம், அலரி மாளிகை என்பவற்றின் சார்பில் விசேட வழிபாடுகள் நடைபெற்றன.

இதன்போது பிரதமர் ஹரிணி அமரசூரிய, ஜனாதிபதி செயலாளர் நந்திக சனத் குமநாயக்க, இந்திய உயர்ஸ்தானிகர் சந்தோஷ் ஜா, அமைச்சர் இராமலிங்கம் சந்திரசேகர், பிரதி அமைச்சர் சுந்தரலிங்கம் பிரதீப், ஆலய பிரதம அறங்காவலர் எம்.மாணிக்கவாசகம் மற்றும் சுந்தரலிங்கம் ஆகியோர் கலந்துகொண்டனர்.

(படப்பிடிப்பு - ஜே.சுஜீவகுமார்)