தவறவிடாதீர்கள்..!உடனே பதிவு செய்யுங்கள்

'மதயானை கூட்டம் 'படத்தின் மூலம் தமிழ் ரசிகர்களுக்கு அறிமுகமாகி இருந்தாலும் , 'பரியேறும் பெருமாள் ' படத்தின் மூலம் பிரபலமானவர் நடிகர் கதிர். அதனைத் தொடர்ந்து  விஜய் நடிப்பில் வெளியான 'பிகில்' மற்றும்  'விக்ரம் வேதா ' ஆகிய படங்களில் நடித்து முன்னணி நட்சத்திர நடிகராக உயர்ந்தார்.

'சுழல் ' எனும் இணைய தொடரிலும் நடித்து டிஜிட்டல் திரை மற்றும் டிஜிட்டல் தள பார்வையாளர்களிடத்திலும் பிரபலமான இவர் தொடர்ந்து வெற்றிகரமான படங்களில் நடிப்பதற்காக காத்திருந்தார்.  தற்போது மீஷா எனும் மலையாளத் திரைப்படத்தில் கதையின் நாயகர்களுள் ஒருவராக அறிமுகமாகிறார். இது தொடர்பான அதிகாரப்பூர்வமான அறிவிப்பு வெளியாகி இருக்கிறது.

இயக்குநர் யெம்ஸி ஜோசப் இயக்கத்தில் உருவாகி உள்ள 'மீஷா' திரைப்படத்தில் கதிர், சைன் டாம் சாக்கோ, ஹக்கீம் ஷா, ஸ்ரீகாந்த் முரளி, ஜோ பேபி உள்ளிட்ட பலர் நடித்திருக்கிறார்கள்.

சுரேஷ் ராஜன் ஒளிப்பதிவு செய்திருக்கும் இந்த திரைப்படத்திற்கு சூரஜ் எஸ். குரூப் இசையமைத்திருக்கிறார். திரில்லராக தயாராகி இருக்கும் இந்த திரைப்படத்தை யூனிகார்ன் மூவிஸ் நிறுவனம் சார்பில் தயாரிப்பாளர் சஜீர் கஃபுர் தயாரித்திருக்கிறார்.

இன்று வெளியாகி உள்ள இந்த திரைப்படத்தின் மூலம் கதிர் மலையாளத்தில் நடிகராக அறிமுகமாகி இருக்கிறார். அடர்ந்த வனப் பகுதிக்கு பயணிக்கும் நண்பர்கள் குழுவை சுற்றி நடைபெறும் எதிர்பாராத சம்பவங்களை மையப்படுத்தி தயாராகி இருக்கும் திரில்லர் திரைப்படம் என்பதால்.. இதற்கு தமிழ் மற்றும் மலையாள ரசிகர்களிடத்தில் பெரும் வரவேற்பும் , ஆதரவும் கிடைத்து வருகிறது.