தவறவிடாதீர்கள்..!உடனே பதிவு செய்யுங்கள்

'மக்கள் செல்வன்' விஜய் சேதுபதி , நித்யா மேனன் , பாண்டிராஜ் , சத்யஜோதி பிலிம்ஸ் ,கூட்டணியில் உருவான 'தலைவன் தலைவி' படத்தின் முன்னோட்டம் வெளியாகி, மூன்று மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.

எதிர்வரும் 25 ஆம் திகதியன்று உலகம் முழுவதும் படமாளிகையில் வெளியாகும் இந்த திரைப்படத்தின் முன்னோட்டம் - தொழில்நுட்ப கோளாறு காரணமாக சற்று தாமதமாக வெளியிடப்பட்டிருக்கிறது. இதில் இடம் பிடித்திருக்கும் உணவக தொழிலாளரின் வாழ்வியல் தொடர்பான காட்சிகள் நாளாந்த எளிய மக்களின் வாழ்வியலை இயல்பாக பிரதிபலிப்பதால் படத்தைப் பற்றிய எதிர்பார்ப்பு ரசிகர்களிடத்தில் அதிகரித்திருக்கிறது.

முன்னோட்டத்தில் சில காட்சிகள் சுவராசியமாகவும் சில காட்சிகள் மண்ணின் மைந்தர்களின் ஆணாதிக்க சிந்தனையை அப்பட்டமாக பிரதிபலிப்பது போல் உள்ளதால் ரசிக்க முடிகிறது. இருந்தாலும் தமிழக மக்கள் உணர்ச்சிவசப்படுபவர்களாகவும், அதீத கோபக்காரர்களாகவும் காட்சி படுத்தியிருப்பது கதாபாத்திரத்தின் மிகையான தன்மையை எதிரொலிப்பதால் ரசிகர்களிடம் கலவையான விமர்சனத்தையே இந்த முன்னோட்டம் எதிர்கொள்கிறது.