தவறவிடாதீர்கள்..!உடனே பதிவு செய்யுங்கள்

பதுளை - மஹியங்கனை பகுதியில் நீண்ட காலமாக ஹெரோயின் போதைப்பொருள் விற்பனையில் ஈடுபட்டதாக சந்தேகிக்கப்படும் நபர் ஒருவர் இன்று புதன்கிழமை (16) கைதுசெய்யப்பட்டுள்ளதாக மஹியங்கனை பொலிஸார் தெரிவித்தனர்.

32 வயதுடைய  மஹியங்கனை படிதல வீதியை சேர்ந்த ஒருவரே கைதுசெய்யப்பட்டுள்ளதாக பொலிஸார் தெரிவித்தனர். 

மஹியங்கனை பொலிஸ் நிலைய பொறுப்பதிகாரி கிடைக்கப்பெற்ற இரகசிய தகவலுக்கு அமைய பொலிஸ் நிலைய பொறுப்பதிகாரியின் ஆலோசனையின் பேரில் சந்தேக நபரை சோதனைக்கு உட்படுத்திய போது அவரிடம் இருந்து 5700 மில்லிகிராம் ஹெரோயின் போதைப்பொருள் மீட்கப்பட்டுள்ளதாக பொலிஸார் தெரிவித்தனர். 

மஹியங்கனை பொலிஸ் நிலைய பதில்  பொறுப்பதிகாரி ஆகியோர் அடங்கிய குழுவினரே சந்தேக நபரை கைதுசெய்துள்ளதாக தெரிவிக்கப்படுகின்றது. 

சந்தேக நபரிடம் விசாரணைகளை மேற்கொண்டதன் பின்னர் அவரை மஹியங்கனை நீதிவான் நீதிமன்றத்தில் ஆஜர்படுத்துவதற்கான நடவடிக்கைகளை மேற்கொண்டுள்ளதாக பொலிஸார் மேலும் தெரிவித்தனர்.