தவறவிடாதீர்கள்..!உடனே பதிவு செய்யுங்கள்

பதுளை - ஹாலிஎல பிரதேசத்தில் உள்ள முதியோர் இல்லத்தில் குளவி கொட்டுக்கு  இலக்காகி 7 பேர் வைத்தியசாலையில் அனுமதிக்கப்பட்டதாக ஹாலிஎல பொலிஸார் தெரிவித்தனர்.

இந்த சம்பவம் கடந்த சனிக்கிழமை (12) இடம்பெற்றுள்ளதாக பொலிஸார் தெரிவித்தனர்.

முதியோர் இல்லத்திற்கு அருகில் இருந்த குளவி கூடு ஒன்று கலைந்ததால் இந்த தாக்குதல் இடம்பெற்றுள்ளதாக பொலிஸார் தெரிவித்தனர்.

இதன்போது முதியோர் இல்லத்தில் இருந்த 7 முதியவர்கள் குளவி கொட்டுக்கு இலக்காகியுள்ள நிலையில் அம்பியூலன்ஸ் சேவை ஊடாக பதுளை போதனா வைத்தியசாலையில் அனுமதிக்கப்பட்டுள்ளனர்.

குளவி கொட்டுக்கு இலக்காகிய முதியவர்களின் உயிருக்கு எந்த ஆபத்தும் இல்லை என வைத்தியசாலை வட்டாரங்கள் தெரிவித்துள்ளன.