தவறவிடாதீர்கள்..!உடனே பதிவு செய்யுங்கள்

கொழும்பு, கொம்பனித்தெருவில் அமைந்துள்ள அருள்மிகு சிவசுப்பிரமணிய சுவாமி கோயிலின் வருடாந்த மஹோற்சவம் கடந்த வெள்ளிக்கிழமை (11) கொடியேற்றத்துடன் கோலாகலமாக ஆரம்பமானது.

அடுத்த நாள் சனிக்கிழமை (12) மாலை, கோவிலில் வசந்த மண்டப பூஜைகள் சிவஸ்ரீ வரத அரவிந்த் சிவாச்சாரியார் தலைமையில் இடம் பெற்றன. இதனைத் தொடர்ந்து, தீபாராதனை நடைபெற்று, பக்தர்கள் உற்சாகமாக கலந்து கொண்டனர்.

இந்நிகழ்வின் போது, விநாயகர், சிவபெருமான், பராசக்தி அம்பாள் மற்றும் வள்ளி தெய்வானை சமேத முருகப்பெருமான் காமதேனு வாகனத்தில் உள்வீதியுலா வருதல் பக்தர்களின் மனங்களை மகிழ்வுறச்செய்தது.

மங்கள இசையுடன், பக்தர்கள் ஆராதனையில் ஈடுபட்ட இந்த ஆன்மிக நிகழ்வு, பக்திபரவசம் பொங்கியதாக அமைந்தது.

( படப்பிடிப்பு :  - எஸ். எம். சுரேந்திரன்)