தவறவிடாதீர்கள்..!உடனே பதிவு செய்யுங்கள்

மலேசியாவுக்கு விஜயம் மேற்கொண்டுள்ள வெளிவிவகார அமைச்சர் விஜித்த ஹேரத், அங்கு ரஷ்யாவின் வெளிவிவகார அமைச்சர் செர்கே லாவ்ரொவ்வை சந்தித்து கலந்துரையாடியுள்ளார்.

மலேசியாவின் கோலாலம்பூரில் நடைபெற்ற 58 ஆவது ஆசிய நாடுகள் சங்கம் (ASEAN) பிராந்திய கூட்டத்தில் கலந்துகொள்வதற்காக மலேசியா சென்ற வெளிவிவகார அமைச்சர் விஜித்த ஹேரத், அங்கு ரஷ்ய வெளிவிவகார அமைச்சர் செர்கே லாவ்ரொவ்வை சந்தித்து இருதரப்பு பேச்சுவார்ததைகளை முன்னெடுத்துள்ளார்.

இந்த சந்திப்பின் போது, இலங்கை – ரஷ்ய உறவுகள் மற்றும் சர்வதேச அரங்கில் இரு நாடுகளின் ஒருங்கிணைந்த ஒத்துழைப்பு குறித்து முக்கியமான விடயங்கள் கலந்துரையாடப்பட்டுள்ளன.

தெற்காசியாவில் ரஷ்யாவின் நம்பகமான தோழனாக இலங்கை நீண்ட காலமாக இருந்து வருவதாக ரஷ்ய வெளிவிவகார அமைச்சர் லாவ்ரொவ் இதன்போது தெரிவித்துள்ளார். 

இரு நாடுகளுக்கும் இடையிலான ஆழமான மற்றும் நேர்மறையான வரலாற்றுப் பின்னணியை அவர் நினைவூட்டியதுடன், எதிர்கால ஒத்துழைப்புக்கான முன்மாதிரியாக இந்த உறவுகளை மேலும் வலுப்படுத்தும் வகையில் உறுதி வழங்கினார்.

முக்கியமான சூழ்நிலைகளில் இலங்கைக்கு ரஷ்யா வழங்கிய நட்பு மற்றும் தொடர்ச்சியான ஆதரவுக்காக நன்றி தெரிவித்த வெளிவிவகார அமைச்சர் விஜித்த ஹேரத், மேலும், ரஷ்யாவுடன் கொண்டிருக்கும் வரலாற்று ரீதியான நட்புகளை பாராட்டியதுடன், பல துறைகளில் ஒத்துழைப்பை மேலும் ஆழப்படுத்த இலங்கை உறுதியுடன் இருக்கிறது என்றும் உறுதியளித்தார்.