தவறவிடாதீர்கள்..!உடனே பதிவு செய்யுங்கள்

சர்வதேச கிரிக்கெட் பேரவையின் (ஐ.சி.சி.) ஆடவர் இருபதுக்கு 20 உலகக் கிண்ண கிரிக்கெட் தொடருக்கு இத்தாலி அணி முதல் முறையாக தகுதி பெற்றுள்ளது.

2026 ஆம் ஆண்டில் இடம்பெவுள்ள ஐ.சி.சி. யின் இருபதுக்கு - 20 உலகக் கிண்ணத் தொடரை இந்தியா மற்றும் இலங்கை ஆகிய நாடுகள் இணைந்து நடத்தவுள்ளன.

ஐரோப்பிய தகுதிச் சுற்றின் நேற்று இடம்பெற்ற போட்டியில் நெதர்லாந்து மற்றும் இத்தாலி அணிகள் மோதின இதில் நெதர்லாந்து அணி 9 விக்கெட்டுகளால் வெற்றி பெற்றது. 

இருப்பினும் புள்ளிப்பட்டியலில் இரு நெதர்லாந்தும் இத்தாலியும் முதலிரு இடங்களையும் பிடித்திருந்தன. இந்நிலையில், இரு அணிகளும் ஐ.சி.சி. ஆடவர் இருபதுக்கு 20 உலகக் கிண்ண கிரிக்கெட் தொடரில் விளையாட தகுதி பெற்றுள்ளன. 

இந்நிலையில், ஐரோப்பிய நாடுகளில் ஒன்றான இத்தாலி கால்பந்தில் மிகப்பெரிய செல்வாக்கினை செலுத்துகிறது.

தற்போது, கிரிக்கெட்டிலும் இத்தாலி, கவனம் செலுத்தி வருகிறது. அதன்படி, 2026 ஆம் ஆண்டில் இடம்பெறவுள்ள இருபதுக்கு 20 உலகக்கிண்ண தொடரில் விளையாட தகுதி பெற்றுள்ளது.

ஐ.சி.சி. ஆடவர் இருபதுக்கு 20 உலகக் கிண்ண கிரிக்கெட் தொடருக்கு தற்போது வரை 15 அணிகள் தகுதி பெற்றுள்ளன. 

தகுதி பெற்ற அணிகள்

ஆப்கானிஸ்தான்

அவுஸ்திரேலியா

பங்களாதேஷ்

கனடா

இங்கிலாந்து

இந்தியா

அயர்லாந்து

நியூசிலாந்து

பாகிஸ்தான்

தென்னாபிரிக்கா

இலங்கை

அமெரிக்கா

மேற்கிந்தியத்தீவுகள்

நெதர்லாந்து

இத்தாலி