தவறவிடாதீர்கள்..!உடனே பதிவு செய்யுங்கள்

வடிவேலு - பகத் பாசில் இணைந்து நடித்திருக்கும் ' மாரீசன்' எனும் திரைப்படத்தில் இடம் பெற்ற 'ஃபா..ஃபா' எனும் முதல் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் சுதீஷ் சங்கர் இயக்கத்தில் உருவாகி இருக்கும் ' மாரீசன் ' திரைப்படத்தில் வடிவேலு ,பகத் பாசில் , கோவை சரளா, விவேக் பிரசன்னா , சித்தாரா ஆகியோர் முக்கிய வேடங்களில் நடித்திருக்கிறார்கள்.

கலைச்செல்வன் சிவாஜி ஒளிப்பதிவு செய்திருக்கும் இந்த திரைப்படத்திற்கு யுவன் சங்கர் ராஜா இசையமைத்திருக்கிறார்.

கிராமிய பின்னணியில் பொழுதுபோக்கு அம்சங்களுடன் கூடிய இந்த திரைப்படத்தை சூப்பர் குட் பிலிம்ஸ் நிறுவனம் சார்பில் தயாரிப்பாளர் ஆர். பி. சவுத்ரி தயாரித்திருக்கிறார்.

எதிர்வரும் 25 ஆம் திகதியன்று உலகம் முழுவதும் படமாளிகையில் வெளியாகும் என அறிவிக்கப்பட்டிருக்கும் இந்த  திரைப்படத்தில் இடம்பெற்ற ' ஊருக்குள் யாருக்கும் நேரமில்லையே..' எனத் தொடங்கும் முதல் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது. இந்த பாடலை பாடலாசிரியர் மதன் கார்க்கி எழுத கிராமிய பின்னணி பாடகர் மதிச்சயம் பாலா பாடியிருக்கிறார். துள்ளல் இசை பாணியில் உருவாகி இருக்கும் இந்த பாடல் ரசிகர்களை வெகுவாக கவர்ந்திருக்கிறது.