தவறவிடாதீர்கள்..!உடனே பதிவு செய்யுங்கள்

கந்தானை பொதுச் சந்தைக்கு அருகில் கடந்த 3 ஆம் திகதி ஒருவர் சுட்டுக் கொல்லப்பட்டு, மற்றொருவர் காயமடைந்த சம்பவத்துடன்  தொடர்புடைய  சந்தேகநபர்கள் இருவர் கைது செய்யப்பட்டுள்ளனர்.

கந்தானை, ரூபமுல்ல சந்தி மற்றும் கந்தானை நகரில் நடத்தப்பட்ட தேடுதல் நடவடிக்கையின் போது சந்தேக நபர்கள் கைது செய்யப்பட்டுள்ளதாக பொலிஸார் தெரிவித்தனர்.

கந்தானை பகுதியைச் சேர்ந்த 25 மற்றும் 26 வயதுடைய நபர்கள்  இருவரே கைது செய்யப்பட்டுள்ளனர்.

மோட்டார் சைக்கிளில் சென்ற இருவர், கடந்த 3 ஆம் திகதி கந்தானை பகுதியில் காரில் பயணித்த இருவர் மீது துப்பாக்கிச் சூடு நடத்தினர்.

துப்பாக்கிச் சூட்டில் காயமடைந்த இருவரையும்  ராகம வைத்தியசாலையில்   அனுமதிக்கப்பட்ட நிலையில்  ஒருவர் உயிரிழந்துள்ளார்.

சம்பவம் தொடர்பாக  பொலிஸார்  மேலதிக விசாரணைகளை மேற்கொண்டுவருவதாக தெரிவித்தனர்.