தவறவிடாதீர்கள்..!உடனே பதிவு செய்யுங்கள்

“பாத்திய“ என்றழைக்கப்படும் காட்டு யானைக்கு சிகிச்சை அளிக்க இராணுவத்தினர் உதவி செய்து வருகின்றனர்.

சுமார் இரண்டு மாதங்களுக்கு முன்பு துப்பாக்கி சூட்டுக்கு இலக்காகி காயமடைந்து சிகிச்சை பெற்று வந்த நிலையில், நிகவரெட்டியவில் உள்ள மணிகம பகுதியில் சுற்றித் திரிந்தது.

இதன்போது, காட்டு யானை அண்மையில் யானை நீர் நிரம்பிய குழியில் வீழ்ந்துள்ளது.

வனவிலங்கு திணைக்கள அதிகாரிகள் யானையை மீட்டு சிகிச்சை அளிக்க ஆரம்பிக்கும் வரை இலங்கை இராணுவத்தின் 15 ஆவது  பீரங்கி படை பிரிவு மற்றும் 9 ஆவது தேசிய காவல்படையைச் சேர்ந்த வீரர்கள் பாதுகாப்பு அமைச்சின் உத்தரவின் கீழ்,  அந்தப் பகுதியை பாதுகாக்கும் பணியில் ஈடுபட்டுள்ளனர்.

தற்போது சம்பவ இடத்தில் உள்ள வனவிலங்கு அதிகாரிகளுடன் இராணுவத்தினர் இணைந்து மீட்பு பணிகளில் ஈடுபட்டுள்ளனர்.