தவறவிடாதீர்கள்..!உடனே பதிவு செய்யுங்கள்

நுவரெலியா மாவட்டத்தில் அதிக பெருந்தோட்ட  மக்கள் வாழ்ந்து வரும்  நோர்வூட் , பொகவந்தலாவை , டியன்சின் ஆகிய   பகுதி  வாழ் மக்கள  பிரதிநிதித்துவம் செய்யும்  உள்ளூராட்சி சபையே  நோர்வூட்  பிரதேச சபை. இங்கு    தேசிய மக்கள் கட்சி சார்பாக தெரிவாகியுள்ள ஒரே தமிழ் தவிசாளராக நோர்வூட் பிரதேச பை தவிசாளர் விளங்குகின்றார். மாவட்டத்தில் ஆறு சபைகளை இலக்கு வைத்து காய்களை நகர்த்திய கட்சிக்கு எதிர்பாராதவிதமாக  நோர்வூட் பிரதேச  சபை ஏழாவதாகக் கிடைத்துள்ளது.  இலங்கை தொழிலாளர் காங்கிரஸ் மற்றும் தேசிய மக்கள் சக்திக்கு இடையில்  முடிவாகியிருந்த  இணக்கப்பாட்டுக்கு அமைய  அச்சபையை  இ.தொ.காவுக்கு  விட்டுக்கொடுத்து  உபதவிசாளர் பதவியை  தேசிய மக்கள் சக்தி பெற்றுக்கொள்ளவதாக இருந்தது. ஆனால்  இ.தொ.காவின்  மீது எமக்கு நம்பிக்கை இல்லையென்றும் அக்கட்சியையே  நாம் நிராகரிக்கின்றோம் என அச்சபையின்  ஆறு  தேசிய மக்கள் சக்தி உறுப்பினர்களும்  ஐக்கிய மக்கள் சக்தியின் ஆதரவோடு  தமது உறுப்பினர் ஒருவரை தெரிவு செய்து  தவிசாளராக்கியுள்ளனர்.  இந்த சம்பவம்  இ.தொ.கா  மற்றும் தேசிய மக்கள் சக்திக்கு இடையில்  ஒரு  கெளரவ பிரச்சினையாக உருவெடுத்துள்ளது.