தவறவிடாதீர்கள்..!உடனே பதிவு செய்யுங்கள்

பொதுவாக எம்மில் பலருக்கும் கால் வலி பாதிப்பு ஏற்படுவதுண்டு. இதற்காக வைத்தியர்களிடம் சிகிச்சை பெறும் போது அவர்கள் பரிசோதனை மேற்கொண்டு, பாதிப்பின் தன்மையை விவரிப்பார்கள்.

எம்மில் சிலருக்கு ஸ்லிப் டிஸ்க் சயாடிகா எனப்படும் வலி பாதிப்பு ஏற்படுவதுண்டு. இதற்காக சத்திர சிகிச்சை மேற்கொண்டு மேற்கொண்டால் முழுமையான நிவாரணம் கிடைக்குமா? என்ற சந்தேகம் இருக்கிறது. இது தொடர்பாக வைத்தியர்கள் பின்வருமாறு விளக்கம் அளிக்கிறார்கள்.

எம்முடைய முதுகு தண்டுவட பகுதியின் மையத்தில் அமைந்திருப்பது தான் டிஸ்க். இதனை அனைவரும் புரிந்து கொள்ளும் வகையில் விவரிக்க வேண்டும் என்றால் ஒரு பஞ்சு மெத்தையாலான தலையணை போல் இருக்கும். இதில் ஏதேனும் பாதிப்பு ஏற்பட்டு, இதனுள் இருக்கும் பிரத்யேக திரவம் கசிந்தால்  அருகில் இருக்கும் நரம்புகளின் மீது அழுத்தத்தை உண்டாக்கும். இதன் காரணமாக வலி ஏற்படும்.

கீழ் பக்க முதுகு வலி, கால் வலி, கால் மரத்துப்போதல், கால் பலவீனம்,  சோர்வு , சிறிது தூரம் கூட நடக்க இயலாத நிலை போன்ற அறிகுறிகள் ஏற்பட்டால் உடனடியாக வைத்தியரை சென்று சந்தித்து ஆலோசனையும், சிகிச்சையும் பெற வேண்டும்.

அவர்கள் இத்தகைய தருணத்தில் எம் ஆர் ஐ ஸ்கேன் , சிடி ஸ்கேன்,  அல்ட்ரா சவுண்ட் ,எக்ஸ்ரே ஆகிய பரிசோதனைகளை மேற்கொண்டு பாதிப்பின் தன்மையை துல்லியமாக அவதானிப்பார்கள்.

இதனை தொடர்ந்து நவீன மருத்துவ தொழில்நுட்பத்தின் அடிப்படையில் தயாரிக்கப்படும் பிரத்யேக மருந்தியல் சிகிச்சையை வழங்கி, முதன்மையான நிவாரணத்தை அளிப்பார்கள். இதனுடன் வைத்தியர்கள் பரிந்துரைக்கும் இயன்முறை சிகிச்சையையும் ஒருங்கிணைந்து மேற்கொள்ளும் போது பாதிப்புகள் 95 சதவீதம் முதல் 99 சதவீதத்தினருக்கு முழுமையான நிவாரணம் கிடைக்கும். மிக சிலருக்கே அதாவது ஒரு சதவீதத்தினருக்கும் குறைவாகவே இத்தகைய பாதிப்பிற்கு சத்திர சிகிச்சை அவசியமாகிறது.

வைத்தியர் விஜயராகவன்

தொகுப்பு அனுஷா.