தவறவிடாதீர்கள்..!உடனே பதிவு செய்யுங்கள்

ஜா-எல பொலிஸ் பிரிவின் கந்தானை பகுதியில் பொலிஸார்  மேற்கொண்ட சுற்றிவளைப்பில், வெளிநாட்டில் தயாரிக்கப்பட்ட கைத்துப்பாக்கி,  வெடிமருந்துகள் உள்ளிட்ட ஆயுதங்களுடன் சந்தேகநபர் கைது செய்யப்பட்டுள்ளார்.

இந்த கைது நடவடிக்கையானது நேற்று சனிக்கிழமை (21) இடம்பெற்றுள்ளதாக பொலிஸார் தெரிவித்தனர்.

கைது செய்யப்பட்ட சந்தேக நபர் ஏகல பகுதியைச் சேர்ந்த 47 வயதுடையவர் என தெரியவந்துள்ளது.

சந்தேகநபரிடமிருந்து வெளிநாட்டில் தயாரிக்கப்பட்ட தானியங்கி கைத்துப்பாக்கி,மெகசின்கள் மற்றும்  30 தோட்டாக்கள்,வெளிநாட்டில் தயாரிக்கப்பட்ட ரிப்பீட்டர் துப்பாக்கி மற்றும் அந்த துப்பாக்கிக்கு பயன்படுத்தப்படும்  10 தோட்டாக்கள் என்பன பொலிஸாரினால் கைப்பற்றப்பட்டுள்ளன.

மேலும்,  இந்த சம்பவம் குறித்து பொலிஸார் மேலதிக விசாரணைகளை மேற்கொண்டு வருகின்றனர்.