தவறவிடாதீர்கள்..!உடனே பதிவு செய்யுங்கள்

அம்பாறை மாவட்டம் திருக்கோவில் பொலிஸ் பிரிவில் மணல் விற்பனை செய்யும் நபரிடம் இலஞ்சம் கோரிய குற்றச்சாட்டில் இரு பொலிஸ்  சார்ஜன்ட்கள் சனிக்கிழமை (21) இலஞ்சம் மற்றும் ஊழல் ஆணைக்குழு அதிகாரிகளால் கைது செய்யப்பட்டனர்.

அம்பாறை மாவட்ட  குற்றப்புலனாய்வு  பிரிவில் இணைக்கப்பட்ட இரண்டு பொலிஸ் சார்ஜன்ட் அதிகாரிகள்  தன்னிடம்  25,000 ரூபா இலஞ்சம் கோருவதாக மணல் விற்பனை மற்றும் போக்குவரத்து செயற்பாட்டில் ஈடுபடும்  ஒருவர்  கொழும்பிலுள்ள இலஞ்ச ஊழல்  ஆணைக்குழுவிடம் முறைப்பாடு செய்திருந்தார்.

இதனடிப்படையில் ஆணைக்குழு அதிகாரிகளின் ஆலோசனைக்கமைய மேற்கொள்ளப்பட்ட விசாரணைகளில் போதே பொலிஸ்  சார்ஜன்ட்கள் கைது செய்யப்பட்டனர். 

பின்னர் சம்மாந்தறை பொலிஸ் நிலையத்திற்கு இரு  சந்தெக நபர்களும் அழைத்து வரப்பட்டு விசாரணைகளின் பின்னர்  சம்மாந்துறை நீதிவான் நீதிமன்றத்தில் ஆஜர்படுத்தப்படுத்த இலஞ்சம் மற்றும் ஊழல் ஆணைக்குழு அதிகாரிகள் நடவடிக்கை எடுத்துள்ளமை  குறிப்பிடத்தக்கது.