தவறவிடாதீர்கள்..!உடனே பதிவு செய்யுங்கள்

நாடளாவிய ரீதியில் நேற்று செவ்வாய்க்கிழமை (17) பொலிஸாரால் மேற்கொள்ளப்பட்ட விசேட சுற்றிவளைப்பு நடவடிக்கையின் போது போதைப்பொருட்களுடன் 474 பேர் கைது செய்யப்பட்டுள்ளதாக பொலிஸ் ஊடகப் பிரிவு தெரிவித்துள்ளது.

அதன்படி, ஹெரோயின் போதைப்பொருளுடன் 142 பேரும், ஐஸ் போதைப்பொருளுடன் 155 பேரும், கஞ்சா போதைப்பொருளுடன் 160 பேரும், ஹேஷ் போதைப்பொருளுடன் ஒருவரும், போதை மாத்திரைகளுடன் 12 பேரும், சட்டவிரோத சிகரட்டுகளுடன் 04 பேரும் பொலிஸாரால் கைதுசெய்யப்பட்டுள்ளனர்.

இந்த விசேட சுற்றிவளைப்பு நடவடிக்கையின் போது 122 கிராம் 573 மில்லிகிராம் ஹெரோயின் போதைப்பொருளும், 185 கிராம் 666 மில்லிகிராம் ஐஸ் போதைப்பொருளும், 04 கிலோ 515 கிராம் 722 மில்லிகிராம் கஞ்சா போதைப்பொருளும், 500 கிராம் ஹேஷ் போதைப்பொருளும், 1061  போதை மாத்திரைகளும், 2031 சட்டவிரோத சிகரட்டுகளும் பொலிஸாரால் கைப்பற்றப்பட்டதாக பொலிஸ் ஊடகப் பிரிவு மேலும் தெரிவித்துள்ளது.