தவறவிடாதீர்கள்..!உடனே பதிவு செய்யுங்கள்

திருகோணமலை - அம்பேபுஸ்ஸ வீதியில், ஆனந்தகுளம் பகுதியில், மோட்டார் சைக்கிள் மோதி பாதசாரி ஒருவர் உயிரிழந்துள்ளார்.

இந்த விபத்து நேற்று செவ்வாய்க்கிழமை  (17) இடம்பெற்றுள்ளதாக பொலிஸார் தெரிவித்தனர். 

திருகோணமலையிலிருந்து ஆனந்தகுளம் நோக்கிச் சென்ற மோட்டார் சைக்கிள், வீதியைக் கடக்க முற்பட்ட பாதசாரி மீது மோதியதில் பலத்த காயமடைந்த பாதசாரி திருகோணமலை வைத்தியசாலையில் அனுமதிக்கப்பட்ட நிலையில் சிகிச்சை பலனின்றி  உயிரிழந்துள்ளார்.

உயிரிழந்தவர் ஆனந்தகுளம் பகுதியைச் சேர்ந்த 56 வயதுடையவர் என  தெரியவந்துள்ளது.

மேலும், விபத்து தொடர்பாக மோட்டார் சைக்கிளை செலுத்திச் சென்ற 19 வயதுடைய இளைஞன் கைது செய்யப்பட்டுள்ளதோடு, சம்பவம் தொடர்பில்  மேலதிக விசாரணைகளை பொலிஸார் மேற்கொண்டு வருகின்றனர்.