தவறவிடாதீர்கள்..!உடனே பதிவு செய்யுங்கள்

கம்பஹாவில் கடவத்தை பொலிஸ் பிரிவுக்கு உட்பட்ட கோனஹேன பிரதேசத்தில் துப்பாக்கி மற்றும் தோட்டாக்களுடன் சந்தேக நபர் ஒருவர் கடவத்தை பொலிஸாரால் நேற்று புதன்கிழமை (11) இரவு கைதுசெய்யப்பட்டுள்ளார்.  

கடவத்தை பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைதுசெய்யப்பட்டுள்ளார்.  

கைதுசெய்யப்பட்டவர் கோனஹேன, வேபட பிரதேசத்தைச் சேர்ந்த 43 வயதுடையவர் ஆவார்.

சந்தேக நபரிடமிருந்து வெளிநாட்டில் தயாரிக்கப்பட்ட போர 12 ரக  துப்பாக்கி மற்றும் 5  தோட்டாக்கள் என்பன பொலிஸாரால் கைப்பற்றப்பட்டுள்ளன.

இது தொடர்பான மேலதிக விசாரணைகளை கடவத்தை பொலிஸார் மேற்கொண்டு வருகின்றனர்.