தவறவிடாதீர்கள்..!உடனே பதிவு செய்யுங்கள்

மத்துகம, அம்பருல்லகஹவத்த பகுதியில் தந்தை மற்றும் மகன் மீது வாள்வெட்டுத் தாக்குதல் இடம்பெற்றுள்ளதாக பொலிஸார் தெரிவித்தனர்.

புதன்கிழமை (11) இரவு இடம்பெற்ற இந்த சம்பவத்தில் மகன் உயிரிழந்துள்ளதுடன் தந்தை காயமடைந்த நிலையில், வைத்தியசாலையில் அனுமதிக்கப்பட்டுள்ளார்.

இரு குழுக்களுக்கிடையில் ஏற்பட்ட வாய்த்தர்க்கம் மோதலாக மாறியதில் இந்த கொலைச்சம்பவம் இடம்பெற்றுள்ளதாக பொலிஸார் தெரிவித்தனர்.

சம்பவத்தில் தந்தையும் மகனும் பலத்த காயமடைந்த நிலையில், களுத்துறை நாகொட வைத்தியசாலையில் அனுமதிக்கப்பட்ட நிலையில், சிகிச்சை பலனின்றி மகன் உயிரிழந்துள்ளார்.

யட்டதொல, நவுத்தொடுவ பகுதியைச் சேர்ந்த 23 வயதுடைய மகன் உயிரிழந்துள்ளதுடன் 51 வயதுடைய தந்தை காயமடைந்துள்ளார்.

சம்பவத்திற்குப் பின்னர் தாக்குதலை மேற்கொண்ட சந்தேக நபர் அங்கிருந்து தப்பிச் சென்றுள்ளதாக பொலிஸார் தெரிவித்தனர். 

சந்தேக நபரைக் கைதுசெய்ய மத்துகம பொலிஸார் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.