தவறவிடாதீர்கள்..!உடனே பதிவு செய்யுங்கள்

பொகவந்தலாவை பகுதியில் கனமழை பெய்து வரும் நிலையில், கெசல்கமுவ ஓயாவில் நீர்மட்டம் அதிகரித்த காரணத்தினால் அப்பகுதியில் உள்ள பல வீதிகள் நீரில் மூழ்கியுள்ளன.

நேற்று (10) இரவு முதல் பொகவந்தலாவை பகுதியில் கனமழை பெய்து வருவதால்,  முக்கியமாக காசல்ரீ நீர்த்தேக்கத்துக்கு நீர் வழங்கும் கிளை ஆறான கெசல்கமுவ ஓயாவில் நீர்மட்டம் அதிகரித்துள்ளது. 

இதனால் இதனை அண்டிய பல தோட்டங்களின் பிரதான வீதிகள் நீரில் மூழ்கியுள்ளன.

குறிப்பாக பொகவந்தலாவை நகரத்திலிருந்து தெரேசியா மற்றும் கிலானி தோட்டங்களுக்குச் செல்லும் வீதிகள் நீரில் மூழ்கியுள்ளன.

இதனால் அந்த வீதிகளில் பயணிக்கும் பயணிகள் கடும் சிரமங்களை எதிர்கொண்டுள்ளனர்.