தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் பிரபல நடிகரான அதர்வா கதையின் நாயகனாக நடித்து, எதிர்வரும் இருபதாம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும்' டி என் ஏ ' எனும் திரைப்படத்தில் இடம்பெற்ற ' ஃபீலிங் பாட்டு..' எனும் முதல் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் நெல்சன் வெங்கடேசன் இயக்கத்தில் உருவாகியுள்ள 'டி என் ஏ ' எனும் திரைப்படத்தில் அதர்வா, நிமிஷா சஜயன், பாலாஜி சக்திவேல், ரமேஷ் திலக், விஜி சந்திரசேகர் , சேத்தன்,  ரித்விகா , சுப்பிரமணியம் சிவா , கருணாகரன், 'பசங்க ' சிவக்குமார் ஆகியோர் நடித்துள்ளனர். பார்த்திபன் ஒலிப்பதிவு செய்திருக்கும் இந்த திரைப்படத்திற்கு ஸ்ரீ காந்த் ஹரிஹரன்-  சத்ய பிரகாஷ் - அனல் ஆகாஷ் - பிரவீண் சைவி - சகி சிவா மற்றும் ஜிப்ரான் வைபோதா ஆகியோர் இணைந்து இசையமைத்திருக்கிறார்கள். உணர்வு பூர்வமான படைப்பாக தயாராகி இருக்கும் இந்த திரைப்படத்தை ஒலிம்பியா மூவிஸ் நிறுவனம் சார்பில் தயாரிப்பாளர் ஜெயந்தி அம்பேத்குமார் தயாரித்திருக்கிறார்.

இப்படத்தின் இடம்பெற்ற 'மாமன் பாடுற ஃபீலிங் பாட்ட..' எனும் முதல் பாடலை எழுதி, இசையமைத்து, பாடியிருக்கிறார் இசையமைப்பாளர் சகி சிவா. இந்தப் பாடல் - காதலில் ஏற்பட்ட பிரிவால் வாடும் காதலர் பாடுவது போல் இருப்பதாலும் மதுபான கூடத்தின் பின்னணியில் இடம் பெறுவதாலும் அனைத்து தரப்பு ரசிகர்களையும் கவரும் துள்ளலிசையுடன் இருப்பதாலும் இசை ரசிகர்களை வெகுவாக கவர்ந்திருக்கிறது.