தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நட்சத்திர நடிகரான கார்த்தி நடித்து வரும்' சர்தார் 2 ' படத்தின் படப்பிடிப்பு முழுவதுமாக நிறைவடைந்திருக்கிறது என படக் குழுவினர் பிரத்யேக புகைப்படத்தை வெளியிட்டு உற்சாகத்துடன் அறிவித்திருக்கிறார்கள்.

'இரும்புத்திரை', 'ஹீரோ', 'சர்தார்' என வெற்றி படங்களை இயக்கி ஹாட்ரிக் அடித்த இயக்குநர் பி. எஸ். மித்திரன் இயக்கத்தில் உருவாகி வரும் 'சர்தார் 2 '  திரைப்படத்தில் கார்த்தி, மாளவிகா மோகனன், எஸ். ஜே. சூர்யா, ஆஷிகா ரங்கநாத், ரெஜிஷா விஜயன், யோகி பாபு, ஷா ரா, விடிவி கணேஷ், பாபு அண்டனி, ஓ ஏ கே சுந்தர் உள்ளிட்ட பலர் முக்கிய வேடங்களில் நடித்திருக்கிறார்கள்.

ஜோர்ஜ் சி . வில்லியம்ஸ் ஒளிப்பதிவு செய்திருக்கும் இந்த திரைப்படத்திற்கு சாம் சி. எஸ். இசையமைத்திருக்கிறார். எக்சன் என்டர்டெய்னராக தயாராகி இருக்கும் இந்த திரைப்படத்தை பிரின்ஸ் பிக்சர்ஸ் மற்றும் ஐவி என்டர்டெய்ன்மென்ட் நிறுவனம் சார்பில் தயாரிப்பாளர்கள் எஸ். லக்ஷ்மன் குமார் & இஷான் சக்சேனா ஆகியோர் இணைந்து தயாரித்திருக்கிறார்கள்.

இப்படத்தின் அறிமுக காணொளி வெளியாகி நான்கு மில்லியனுக்கு மேற்பட்ட மக்களால் பார்வையிடப்பட்டு சாதனை படைத்து வருகிறது. இந்நிலையில் இப்படத்தின் படப்பிடிப்பு முழுவதுமாக நிறைவடைந்திருக்கிறது. விரைவில் இப்படத்தின் வெளியீடு குறித்த தகவல்கள் வெளியாகும் என எதிர்பார்க்கப்படுகிறது.