தவறவிடாதீர்கள்..!உடனே பதிவு செய்யுங்கள்

கன்னட திரையுலகைச் சார்ந்த புதுமுக நடிகர் காடா நாகராஜ் கதையின் நாயகனாக அதிரடியான கதாபாத்திரத்தில் அறிமுகமாகும் ' கரிகாடன்' எனும் திரைப்படத்தின் டைட்டில் மற்றும் டைட்டிலுக்கான டீசர் வெளியிடப்பட்டிருக்கிறது.

இயக்குநர் கில்லி வெங்கடேஷ் இயக்கத்தில் உருவாகும் ' கரிகாடன் ' எனும் திரைப்படத்தில் காடா நாகராஜ் , நடிகை நிரீக்ஷா ஷெட்டி, யாஷ் ஷெட்டி , பேபி, ரீதி நட்ராஜ், கீர்த்தி வர்மா உள்ளிட்ட பலர் நடிக்கிறார்கள். ஜீவன் கௌடா ஒளிப்பதிவு செய்யும் இந்த திரைப்படத்திற்கு அதிஷே ஜெயின் - ஷசாங் சேஷகிரி ஆகியோர் இணைந்து இசையமைக்கிறார்கள். எக்சன் என்டர்டெய்னராக தயாராகும் இந்த திரைப்படத்தை ரீதி என்டர்டெய்ன்மெண்ட்ஸ் நிறுவனம் சார்பில் தயாரிப்பாளர் தீப்தி தாமோதர் தயாரிக்கிறார்.

தமிழ் & கன்னடம் என இரு மொழிகளில் தயாராகும் இந்த திரைப்படத்தின் டீசர் வெளியிடப்பட்டிருக்கிறது. இது இணையத்தில் தீவிரமாக இயங்கி வரும் ஒரு பிரிவினருக்கு அறிமுகமாகி , அவர்களின் கவனத்தை கவர்ந்திருக்கிறது.