தவறவிடாதீர்கள்..!உடனே பதிவு செய்யுங்கள்

வெளிநாட்டில் உள்ள பாதாள உலக கும்பலின் தலைவரும் போதைப்பொருள் கடத்தல்காரருமான "குடு சலிந்து" என அழைக்கப்படும் சலிது மல்ஷிக குணரத்ன என்பவரின் சகா போதைப்பொருளுடன் களுத்துறை பொலிஸாரால் கைதுசெய்யப்பட்டுள்ளார்.

களுத்துறை பொலிஸாருக்கு கிடைத்த தகவலின் பேரில் களுத்துறை  - ரஜவத்த பிரதேசத்தில் மேற்கொள்ளப்பட்ட சுற்றிவளைப்பில் சந்தேக நபர் கைதுசெய்யப்பட்டுள்ளார். 

கைதசெய்யப்பட்டவர் பாணந்துறை - அருக்கொடை பிரதேசத்தைச் சேர்ந்த 28 வயதுடைய இளைஞன் ஆவார்.

சந்தேக நபரிடமிருந்து 513 கிராம் ஹெரோயின் போதைப்பொருள் மற்றும் 2 கையடக்கத் தொலைபேசிகள் என்பன பொலிஸாரால் கைப்பற்றப்பட்டுள்ளன.

கைப்பற்றப்பட்ட போதைப்பொருளின் மொத்த பெறுமதி 50 இலட்சம் ரூபாய் என பொலிஸார் தெரிவித்தனர். 

இது தொடர்பான மேலதிக விசாரணைகளை களுத்துறை பொலிஸார் மேற்கொண்டு வருகின்றனர்.