தவறவிடாதீர்கள்..!உடனே பதிவு செய்யுங்கள்

பசில் மீதுள்ள பழைய வழக்கு விசாரணைகளை அநுரவின் அரசாங்கம் தூசு தட்டி வருகின்றது. 2014ஆம் ஆண்டளவில் மாத்தறை பகுதியில் அவர் கொள்வனவு செய்த காணிக்கு பயன்படுத்தப்பட்ட பணம் சட்டவிரோதமாக ஈட்டப்பட்டது என்பது குறித்த முறைப்பாடு 2017ஆம் ஆண்டு பாரிய நிதி மோசடி பிரிவில் செய்யப்பட்டது. தற்போதே அது குறித்த வழக்கு விசாரணைகளை மாத்தறை நீதிமன்றில் துரிதப்படுத்தியுள்ளது தேசிய மக்கள் சக்தி அரசாங்கம். கடந்த மாதம் 23 ஆம் திகதி அவர் நீதிமன்றில் ஆஜராகியிருக்க வேண்டும் என்றாலும் அவர் அமெரிக்காவில் இருப்பதால் அது சாத்தியமாகவில்லை. அவர் கதிரையிலிருந்து விழுந்து காயமுற்றதால் ஆறு மாத காலத்துக்கு விமானத்தில் பயணம் செய்யக் கூடாது என வைத்தியர்கள் பரிந்துரைத்திருப்பதாக அவரது சட்டத்தரணிகள் நீதிமன்றுக்கு அறிவித்தனர். வழக்கு விசாரணைகள் எதிர்வரும் நவம்பர் மாதம் 21ஆம் திகதிக்கு ஒத்தி வைக்கப்பட்டுள்ளன. ஆனால் தான் நாடு திரும்பினால் கைது செய்யப்படலாம் என்ற அச்சத்திலேயே கதிரையிலிருந்து விழுந்த கதைகளை பசில் பரப்பி விட்டுள்ளார் எனத் தெரிவிக்கப்படுகின்றது.