தவறவிடாதீர்கள்..!உடனே பதிவு செய்யுங்கள்

துபாயில் இருந்து இயக்கப்படும் போதைப்பொருள் வலையமைப்பு பற்றிய ஏராளமான தகவல்களுடன், 1.8 மில்லியன் ரொக்க பணத்தையும் தொடுவாவா காவல்துறையினர் மீட்டெடுத்துள்ளனர்.

இந்தப் பணம் கடல் வழியாக போதைப்பொருள் கடத்தும் குழுவிற்கு வழங்க திட்டமிடப்பட்டிருந்ததாக விசாரணைகளில் தெரியவந்துள்ளது.

இந்த சம்பவம் தொடர்பாக 8 சந்தேக நபர்கள் கைது செய்யப்பட்டுள்ளனர்.

மாரவில, தொடுவாவ காவல் நிலைய போக்குவரத்துப் பிரிவின் அதிகாரிகள், வெள்ளிக்கிழமை (23) இரவு மஹாவெவ, சிவிராஜ மாவத்தையில் போக்குவரத்து சோதனையில் ஈடுபட்டிருந்தபோது, இரண்டு நபர்களை ஏற்றிச் சென்ற சந்தேகத்திற்கிடமான முச்சக்கர வண்டியை சோதனை செய்தனர்.

முச்சக்கர வண்டியின் உள்ளே இருந்த ஒரு கருப்பு நிற சூட்கேஸை அதிகாரிகள் ஆய்வு செய்தபோது, அதில் அதிக அளவு பணம் இருப்பதைக் கவனித்தனர்.

அதன்படி, உடனடியாக நடவடிக்கை எடுத்த காவல்துறை அதிகாரிகள், முச்சக்கர வண்டியில் இருந்த இருவரையும் கைகளில் விலங்கிட்டு காவல் நிலையத்திற்கு அழைத்துச் சென்றுள்ளனர்.

சந்தேக நபர்களிடம் நடத்தப்பட்ட விசாரணையில், பேருவளை அருகே உள்ள கடலில் பல நாள் மீன்பிடிக் கப்பல் மூலம் கடந்த 19 ஆம் தேதி கிட்டத்தட்ட 300 கிலோகிராம் போதைப்பொருள் நாட்டிற்குள் கொண்டு வரப்பட்டதாக தெரியவந்தது.

இந்தப் பணம் கப்பலில் இருந்த கெப்டன் உட்பட 6 பேருக்கு தலா 3 மில்லியன் ரூபாய் வழங்குவதற்காக எடுக்கப்பட்டது என்பதும் தெரியவந்துள்ளது.

சம்பந்தப்பட்ட போதைப்பொருள் கையிருப்பை நாட்டிற்கு கொண்டு வருவதற்கு முன்பு, கடத்தல்காரர்கள் பல நாள் மீன்பிடிக் கப்பலுக்கு 7 மில்லியன் ரூபாய் செலுத்தினர்.

முச்சக்கர வண்டியில் பணத்தை கொண்டு வந்த நபர் பல நாள் மீன்பிடி படகின் உரிமையாளரும் ஆவார், மேலும் இது முன்னர் இந்திய பாதுகாப்புப் படையினரால் 100 கிலோகிராம் போதைப்பொருட்களுடன் கைப்பற்றப்பட்டதாக ஒரு மூத்த காவல்துறை அதிகாரி தெரிவித்தார்.

துபாயில் இருந்து இயக்கப்படும் இந்த போதைப்பொருள் வலையமைப்பில் தொடர்புடைய இலங்கையர்கள் சிலாபம், தொடுவ, நீர்கொழும்பு மற்றும் மாத்தறை ஆகிய பகுதிகளைச் சேர்ந்தவர்கள் என்பது தற்போது தெரியவந்துள்ளது.