தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

வர்த்தக கிரிக்கெட் சங்கத்தின் (MCA) ஏற்பாடு செய்துள்ள  MCA ஜி பிரிவு 25 ஓவர் லீக் சுற்றுப்போட்டி 2025 தற்போது நடைபெற்று வருகிறது.

ஹொண்டா கிண்ணத்திற்காக நடைபெற்றுவரும் இந்த கிரிக்கெட் சுற்றுப் போட்டிக்கு 14ஆவது தொடர்ச்சியான வருடமாக ஸ்டபர்ட் மோட்டர் கம்பனி (பிறைவேட்) நிறவனம் அனுசரணை வழங்குகிறது.

இப் போட்டி தொடர்பான ஊடக மாநாடும் உத்தியோகபூர்வ அனுசரணை வழங்கும் நிகழ்வும் MCA லெஜண்ட்ஸ் விங் கேட்போர் கூடத்தில் புதன்கிழமை (21) நடைபெற்றது.  

'வர்த்தக கிரிக்கெட் சங்கத்தினால் நடத்தப்படும் ஹொண்டா கிண்ணத்துக்கான ஜீ பிரிவு கிரிக்கெட் போட்டிக்கு எமது நிறுவனம் அனுசரணை வழங்குவதையிட்டு பெருமை அடைகிறோம்.

வர்த்தக கிரிக்கெட் சங்கம் நடத்தும் கிரிக்கெட் போட்டிகளில் கடந்த காலங்களில் விளையாடிய மற்றும் சமகாலத்தில் விளையாடிவரும் பல வீரர்கள் தேசிய அணியில் இடம்பெறுவதையிட்டு நாங்கள் பெரு மகிழ்ச்சி அடைகிறோம்.

தற்போது சர்வதேச போட்டி தீர்ப்பாளராக செயற்படும் ஒருவரும் (ரஞ்சன் மடுகல்லே), முன்னாள் தீர்ப்பாளர் ஒருவரும் (ரொஷான் மஹநாம) மிக நீண்ட காலத்திற்கு முன்னர் வர்த்தக நிறுவனங்களுக்கு இடையிலான கிரிக்கெட் போட்டிகளில் விளையாடியதை இங்கு நினைவு கூற விரும்புகிறேன்.

'இளம் வீரர்களை ஊக்குவிப்பதில் எமது நிறுவனம் பெரும் பங்காற்றிவருகிறது. பாடசாலை கிரிக்கெட் போட்டிகளில் மிகச் சிறந்த ஆற்றல்களை வெளிப்படுத்தும் வீரர்களுக்கு நாங்கள் தொழில்வாய்ப்புகளை வழங்கி வருகின்றோம்.

வர்த்தக கிரிக்கெட் சங்கத்தில் அங்கம் வகிக்கும் பல நிறுவனங்களும் கிரிக்கெட் வீரர்களுக்கு தொழில்களை வழங்கி வருகிறது. எனவே அந்த நிறுவனங்கள் பங்குபற்றும் கிரிக்கெட் போட்டிக்கு அனுசரணை வழங்குவதென்பது பெருமைக்குரிய விடயமாகும்' என ஊடக சந்திப்பில் உரையாற்றிய ஸ்டஃபர்ட் மோட்டர் கம்பனி நிறுவனத்தின் மோட்டார் சைக்கிள்கள் மற்றும் வலு உற்பத்திகள் பொது முகாமையாளர் கப்பில குணதிலக்க தெரிவித்தார்.

இந்த வருடப் போட்டியில் லங்கா ஷிப்பிங் அண்ட் லொஜிஸ்டிக்ஸ் பிறைவேட் லிமிட்டெட், டி செம்சன் அண்ட் சன்ஸ் (பிறைவேட்) லிமிட்டெட், புளூ சிப் டெக்னிக்கல் சேர்விசஸ், TVS லங்கா (பிறைவேட்) லிமிட்டெட், CBC பினான்ஸ் லிமிட்டெட், IFS R&D இன்டர்நெஷனல் மற்றும் WSO2 லங்கா பிறைவேட் லிமிட்டெட் ஆகிய 7 அறிமுக அணிகள் உட்பட 50 அணிகள் பங்குபற்றுகின்றன.

போட்டி நடைபெறும் முறை

50 அணிகள் எட்டு குழுக்களில் இரண்டு கட்டப் போட்டிகளில் விளையாடும். இந்த சுற்றுப் போட்டியில் 148 அரை நாள் (half day) போட்டிகள் நடைபெறும். அவற்றில் லீக் சுற்றில் 133 போட்டிகளும் நொக் அவுட் சுற்றில் 15 போட்டிகளும் அடங்குகின்றன.

தற்போது நடைபெற்றுவரும் லீக் சுற்று 2025 மே 29ஆம் திகதி நிறைவடையும். முன்னோடி கால் இறுதிப் போட்டிகள் மே 31ஆம் திகதியும் கால் இறுதிப் போட்டிகள் ஜூன் 1ஆம் திகதியும் அரை இறுதிப் போட்டிகள் ஜூன் 7, 8ஆம் திகதிகளிலும் இறுதிப் போட்டி MCA மைதானத்தில் ஜூன் 14ஆம் திகதியும் நடைபெறும்.

அணிகள் இடம்பெறும் குழுக்கள்

A குழு: (7 அணிகள்) 99X, கொன்ட்ரினெக்ஸ் சிலோன், லங்கா ஷிப்பிங் அண்ட் லொஜிஸ்டிக்ஸ் பிறைவேட் லிமிட்டெட், சைனேர்ஜன் ஹெல்த், JFஅண்ட் I பெக்கேஜிங், மெலிபன் பிஸ்கட் 'பி', சிலைன் ஹோல்டிங்ஸ்.

B குழு: (6 அணிகள்) மெக்லெரன்ஸ் ஹோல்டிங்ஸ், ஸ்டார் கார்மண்ட்ஸ், ஹில்டன் கலம்போ ரெசிடென்சீஸ், இன்கியூப் க்ளோபல், வோக் டெக்ஸ், டி செம்சன் அண்ட் சன்ஸ்.

C குழு: (6 அணிகள்) டெக்னோமெடிக்ஸ், புளூ சிப் டெக்னிக்கல், HSBC 'சி', ஜெட்விங் ட்ரவல்ஸ், மொபிடெல், பிரமிட் வில்மார்.

D குழு: (7 அணிகள்) சிங்கர் 'பி', எக்ஸ்போ லங்கா ப்றைட், யுனைட்டட் ட்ரக்டர், அமானா வங்கி, சிஸ்கோ லெப்ஸ், TVS லங்கா, அலியான்ஸ் இன்சூரன்ஸ்.

E குழு: (6 அணிகள்) ஏய்ட்கன் ஸ்பென்ஸ், CBC பினான்ஸ், மாஸ் அக்டிவ் 'பி', அக்விட்டி நொலேஜ், HNB அசுவரன்ஸ், சவுத் ஏசியன் டெக்னோலொஜீஸ்.

F குழு: (7 அணிகள்) ரிவோகெயார் சொலூஷன்ஸ், ரெக்னிஸ் அப்லியன்சஸ், வோட்டர்ஸ் எஜ், ப்ரெண்டிக்ஸ் எசென்ஷல்ஸ், CIC ஹோல்டிங்ஸ், சிட்டிசன்ஸ் டெவலப்மன்ட் பிஸ்னஸ் 'பி', சவுத் ஏசியா கேட்வே டேர்மினல்.

G குழு: (5 அணிகள்) IFS R 7 D இன்டர்நெஷனல், வைலி குளோபல், மெட்ரோபொலிட்டான் குறூப், ஏ பவர் அண்ட் கோ., லண்டன் ஸ்டொக் எக்ஸ்சேஞ் குறூப்.

H குழு: (6 அணிகள்) அக்செஸ் குறூப் , AIA இன்சூரன்ஸ், WSO2 லங்கா பிறைவேட் லிமிட்டெட், IPD கலம்போ, ஸ்ரீலங்கா டெலிகொம், கொக்கா-கோலா பெவரேஜஸ்.

விசேட விருதுகள்

சுற்றுப் போட்டியில் சிறந்த துடுப்பாட்ட வீரர், சிறந்த பந்துவீச்சாளர், தொடர் நாயகன், இறுதி ஆட்ட நாயகன் ஆகிய விசேட விருதுகள் வழங்கப்படும்.

கடந்த வருடம்  நடைபெற்ற இறுதி ஆட்டத்தில் அமேஸன் ட்ரேடிங் (இங்லிஷ் ரீ ஷொப்) அணியை 39 ஓட்டங்களால் வெற்றிகொண்டு யூனிலிவர் ஸ்ரீலங்கா சம்பியனானது.

இந்த சுற்றுப் போட்டிக்கான அனுசரணை உதவுத் தொகையை  ஸ்டஃபர்ட்   மோட்டர் கம்பனி  பிறைவேட்   லிமிட்டெடின் மோட்டார்சைக்கிள்கள் மற்றும் வலு உற்பத்திகள் பொது முகாமையாளர் கப்பில குணதிலக்க, நிருவாக பொது முகாமையாளர் தமித்த ஜயசுந்தர ஆகியோரிடமிருந்து வர்த்தக சங்க கிரிக்கெட் நிருவாக உத்தியோகத்தர்கள் பெற்றுக்கொண்டனர்.

இந்த வைபவத்தில் ஸ்டபர்ட் மோட்டர் கம்பனி  பிறைவேட்   லிமிட்டெடின் குறியீடுகள் சந்தைப்படுத்தல் அதிகாரி கவிந்த கயங்க, வர்த்தக கிரிக்கெட் சங்கம் சார்பாக அதன் உதவித் தலைவர் மற்றும் கிரிக்கெட் அபிவிருத்திக் குழுத் தலைவர் சிரோஷ குணதிலக்க, பொதுச் செயலாளர் ரொஹான் சோமவன்ச, உதவிப் பொருளாளர் மற்றும் போட்டி ஏற்பாட்டுக் குழுத் தலைவர் ஹசித்த தசநாயக்க ஆகியோரும் கலந்துகொண்டனர்.

(படப்பிடிப்பு: எஸ். சுரேந்திரன்)