தவறவிடாதீர்கள்..!உடனே பதிவு செய்யுங்கள்

நிவித்திகல பொலிஸ் பிரிவில் உள்ள புகையிலை தோட்டப்பகுதியில், சட்ட விரோதமாக சுரங்க அகழ்வில் ஈடுபட்ட மூவர் கைது செய்யப்பட்டுள்ளதாக பொலிஸார் தெரிவித்தனர்.

கஹவத்தை பொலிஸ் சிறப்பு அதிரடிப்படை முகாமைச் சேர்ந்த அதிகாரிகள் குழுவிற்கு கிடைத்த இரகசிய தகவலையடுத்து மேற்கொள்ளப்பட்ட சுற்றிவளைப்பின் போதே இவர்கள் வியாழக்கிழமை (22) கைது செய்யப்பட்டுள்ளனர்.

கைதுசெய்யப்பட்ட சந்தேக நபர்கள்  36, 46 மற்றும் 49 வயதுடைய நிவித்திகல, தெல மற்றும் வட்டபொத்த பகுதிகளைச் சேர்ந்தவர்கள் ஆவர்.  

கைதுசெய்யப்பட்ட சந்தேக நபர்களிடம் இருந்து அகழ்விற்கு பயன்படுத்தப்பட்ட உபகரணங்கள், இரத்தினபுரி இரத்தினக்கல் மற்றும் ஆபரணங்கள் அதிகாரசபையிடம் ஒப்படைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.