தவறவிடாதீர்கள்..!உடனே பதிவு செய்யுங்கள்

உலக இலங்கை பரதநாட்டியக் கலைஞர்கள் சங்கத்தின் ஐந்தாம் ஆண்டு நிறைவை முன்னிட்டு  “பிரம்ம கமலம் -2025” நிகழ்வு இணையவழியினூடாக இன்று வியாழக்கிழமை (22) மாலை 7 மணிக்கு (இலங்கை நேரப்படி) நடைபெறவுள்ளது. 

புகழ்பெற்ற பரதநாட்டிய கலைஞர் “பத்மபூஷண்” பேராசிரியர் C.V சந்திரசேகரின் நினைவாக உருவாக்கப்பட்ட உலக இலங்கை பரதநாட்டியக் கலைஞர்கள் சங்கமும் அபிநயக்ஷேத்ரா நடனப்பள்ளியும் இணைந்து இம்முறை C.V சந்திரசேகரின் 90ஆவது பிறந்த தினத்தை அனுஷ்டிக்கும் வகையில் பிரம்ம கமலம் நிகழ்வினை ஏற்பாடு செய்துள்ளன. 

எழுத்தாளரும் நடன அமைப்பாளரும் நடனப் பயிற்சியாளருமான “கலைமாமணி” லீலா சாம்சனின் தலைமையில் நடைபெறவுள்ள இந்த நிகழ்வில் மகாகவி சுப்பிரமணிய பாரதியாரின் கொள்ளுப் பெயரன் “ஞானபாநு” ராஜ்குமார் பாரதி தொடக்க உரையாற்றவுள்ளார். 

மேலும், இந்நிகழ்வில் பல நாடுகளைச் சேர்ந்த பிரபல பரதநாட்டிய கலைஞர்கள் இணைந்துகொள்ளவுள்ளனர்.