தவறவிடாதீர்கள்..!உடனே பதிவு செய்யுங்கள்

மன்னார் நகர பிரதேச செயலகப் பிரிவில் உள்ள திருக்கேதீஸ்வர கிராம அலுவலர் பிரிவைச் சேர்ந்த மாந்தை கிராமத்தில் வசிக்கும் 27 குடும்பங்களுக்கு நேற்று செவ்வாய்க்கிழமை (20) காணி அனுமதிப்பத்திரம் வழங்கப்பட்டன. 

மன்னார்  பிரதேச செயலாளர் மனோகரன் பிரதீப்  தலைமையில் மாந்தையில் நடைபெற்ற இந்த காணி அனுமதிப்பத்திரம் வழங்கும் நிகழ்வில் மாவட்ட அரசாங்க அதிபர்  க.கனகேஸ்வரன், மேலதிக மாவட்ட செயலாளர் (காணி) தமா. சிறிஸ்கந்தராஜா  மற்றும் பிரதேச செயலக காணி உத்தியோகத்தர், குடியேற்ற உத்தியோகத்தர், கிராம மட்ட அலுவலர்கள் ஆகியோரும் கலந்துகொண்டு பொது மக்களுக்கு காணி அனுமதிப் பத்திரங்களையும் வழங்கிவைத்தனர்.

இந்த 27 குடும்பங்களுக்கு காணி அனுமதிப்பத்திரங்கள் நீண்ட காலமாக வழங்கப்படாதிருந்த நிலையில், அரச சட்ட திட்டங்களுக்கு அமைய நேற்றைய தினம் வழங்கப்பட்டன.