தவறவிடாதீர்கள்..!உடனே பதிவு செய்யுங்கள்

'புன்னகை தேசம்' படத்தின் மூலம் தமிழ் சினிமா ரசிகர்களிடம் பிரபலமான நட்சத்திர வாரிசு நடிகர் ஹம்சவர்தன் - தனது பெயரை லியோ ஹம்சவிர்தன் என மாற்றி அமைத்துக் கொண்டிருக்கிறார். அத்துடன் கேரளாவைச் சேர்ந்த மொடலிங் மங்கை நிமிஷாவை திருமணம் செய்து கொண்டிருக்கிறார். இது தொடர்பான அதிகாரப்பூர்வமான அறிவிப்பு வெளியாகி இருக்கிறது.

மறைந்த நடிகர் ரவிச்சந்திரனின் மகனான ஹம்சவர்தன் 1999 ஆம் ஆண்டில் வெளியான 'மானசீக காதல்' என்ற படத்தின் மூலம்  கதாநாயகனாக அறிமுகமானார்.

திரையுலகில் நட்சத்திர நடிகராக முன்னேற முடியவில்லை என்றாலும் தனித்துவத்துடன் கூடிய நடிகராக உலா வந்த இவர், 'வடுகப்பட்டி மாப்பிள்ளை ' என்ற படத்தில் நடித்த போது உடன் நடித்த நடிகை ரேஷ்மாவை காதலித்து திருமணம் செய்து கொண்டார்.

இந்த தம்பதிகளுக்கு இரண்டு மகன்களும், ஒரு மகளும் இருக்கிறார்கள். இந்த தருணத்தில் 2021 ஆம் ஆண்டு கொரோனா தொற்று பரவல் காரணமாக இவரது மனைவி உயிரிழந்தார்.

இந்நிலையில் கேரளாவை சேர்ந்த மொடலிங் மங்கையான நிமிஷாவை காதலிக்க தொடங்கினார். ஹம்சவர்தன் தன்னுடைய திரையுலக வாழ்க்கை மீண்டும் பொலிவு பெறுவதற்காக தன்னுடைய பெயரை லியோ ஹம்சவிர்தன் என மாற்றி வைத்துக் கொண்டிருக்கிறார். அத்துடன் நிமிஷாவை சில தினங்களுக்கு முன் அவர்களுடைய பெற்றோர்களின் சம்மதத்துடன் திருமணம் செய்து கொண்டார்.

தற்போது நடிகர் லியோ ஹம்சவிர்தன் இரண்டு திரைப்படங்களில் நடிப்பதற்கான பேச்சுவார்த்தை நடைபெற்று வருவதாகவும் , இதில் ஒரு படத்தினை தயாரித்து கதையின் நாயகனாக நடிப்பதாகவும் தகவல்கள் வெளியாகி இருக்கிறது.