தவறவிடாதீர்கள்..!உடனே பதிவு செய்யுங்கள்

மத்திய மெக்சிகோவில் இடம்பெற்ற வீதி விபத்தில் 21 பேர் உயிரிழந்துள்ளனர்.

புதன்கிழமை காலை பியூப்லா மாநிலத்தில் உள்ள குவாக்னோபாலன் மற்றும் ஓக்ஸாகா இடையேயான அதிவேக வீதியில் மூன்று வாகனங்கள் மோதிக்கொண்டதாக உள்ளூர் அரசாங்க அதிகாரி சாமுவேல் அகுய்லர் பாலா தெரிவித்துள்ளார்.

இந்த விபத்தில் லொறி, பஸ், மற்றும் வேன் ஆகியவை சிக்கியுள்ளன.

சீமந்து ஏற்றிச் சென்ற லொறி ஒன்று வேனை முந்தி செல்ல முற்பட்டுள்ளது. இதன்போது,  பஸ் ஒன்றின் மீது மோதி வேன் மீது நேருக்கு நேர் மோதிய லொறி பள்ளத்தாக்கில் கவிழ்ந்து தீப்பிடித்து எரிந்துள்ளது.

சம்பவ இடத்திலேயே  18  பேர் உயிரிழந்துள்ளதோடு, மூன்று பேர் வைத்தியசாலையில் உயிரிழந்துள்ளனர்.

மேலும் பலர் காயமடைந்து மருத்துவ சிகிச்சை பெற்று வருகின்றனர்.

அண்மைய ஆண்டுகளில் மெக்சிகோவில் அதிவேக வீதிகளில் பல கடும் விபத்துக்கள் இடம்பெற்றுள்ளன.

கடந்த பெப்ரவரி மாதம் தெற்கு மெக்சிகோவின் தபாஸ்கோவில் இடம்பெற்ற பஸ் விபத்தில் பலர் உயிரிழந்துள்ளனர்.